POP 5

Lajmet më të lexuara të 5 minutave të fundit

Sociale

‘Nuk çojmë dot të sëmurët në spital’, banorët e Varibopës ngrihen në protestë: Rrugën e dëmtoi Ujësjellësi! Bashkia e Fierit: Do ta asfaltojmë

Banorët e Varibopës në Fier protestuan kundër Ujësjellësit, pasi sipas tyre gjatë punimeve në rrjet ka dëmtuar rrugën. Shoqëria e Ujësjellës-Kanalizimeve mohoi pretendimet e tyre, ndërsa Bashkia tha se do investojë për ta shtruar me asfalt.

Dhjetëra banorë të fshatit Varibop në Fier protestuan këtë të mërkurë për rrugën, që sipas tyre është dëmtuar nga Shoqëria Rajonale e Ujësjellës- Kanalizimeve gjatë riparimit të tubacioneve. Rruga me baltë, dy kilometra nga autostrada Levan- Tepelenë deri në qendër të fshatit, e ka vështirësuar për 140 familje.

“Ujësjellësi e dëmtoi rrugën është bërë e pakalueshme. S’kemi me çfarë të çojmë të sëmurët në spital se nuk kalon as makina. Jeta e njeriut varet për 10 minuta, nëse s’vjen ambulanca ikën jeta e njeriut. Qajnë fëmijët për të shkuar në shkollë se nuk kalohet këtu vetëm me çizme”, thanë ata.

Rrjeti i Ujesjellesit për fshatin Varibop eshte investim i vitit 2019 dhe punimet kanë konsistuar në ndarjen nga magjistrali i Patosit dhe furnizimin nga një pus individual i dedikuar për këtë rrjet. Sipas banorëve punimet 6 vite më parë janë kryer pa cilësi, ndaj dhe defektet janë të shpeshta.

“Investimi u bë pa kriter, pa inxhinier, rrjedh ujë gjithandej! Kur vjen në çezma vjen i ndotur, është i pa pijshëm”, tha një tjetër banor.

Shoqëria Rajonale e Ujesjelles- Kanalizimeve në Fier deklaron për mediat se gjatë ndërhyrjes për eleminimin e avarive është cënuar vetem një siperfaqe e kufizuar dhe jo gjithë segmenti prej 2 km. Ndërsa Bashkia e Fierit si enti pronar i kësaj rruge rurale me çakull tha se asfaltimi do të nisë së shpejti dhe aktualisht është në fazë tenderimi.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro

Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro

22 Janar, 19:02