“Nuk do që të përplaset me liderë të tjerë”, Putin nuk do të marrë pjesë në samitin e G20

Presidenti rus Vladimir Putin nuk do të marrë pjesë në samitin e G20 që do të mbahet në Bali javën e ardhshme.

Burime të përfshira në organizimin e samitit thanë për Bloomberg se Kremlini po përpiqet të mbrojë presidentin nga tensionet e mundshme të nivelit të lartë për pushtimin e tij në Ukrainë dhe të shmangë përplasjet e mundshme me liderë të tjerë, duke përfshirë presidentin amerikan Joe Biden, i cili e ka etiketuar presidentin rus një "kriminel lufte".

“Nuk do që të përplaset me liderë të tjerë”, deklaruan burimet e afërta të Putin.

Ndërkohë, në samit është konfirmuar pjesëmarrja e presidentit ukrainas Volodymyr Zelensky.

Rusia do të dërgojë ministrin e Jashtëm Sergei Lavrov në vend të Putinit, tha një prej burimeve të afërta të Putin. Ata folën në kushte anonimiteti për të diskutuar çështje që nuk janë ende publike. Zëdhënësit nga Ministria e Jashtme dhe Kremlini nuk iu përgjigjën menjëherë kërkesave për koment.

Lajmi kryesor:

Disfatë e rëndë, Rusia tërheq trupat nga Kherson! BE propozon paketën e ndihmës për Ukrainën prej 18 miliardë eurosh për vitin 2023

S.S/Shqiptarja.com

TAG:
• Indonezi
• Putin
• Rusi