VLORË- Me vendim të GJKKO, ish-ministrit të Shëndetësisë, Ilir Beqaj i është sekuestruar një apartament në Lungomare të Vlorës, rreth 166 metër katror në katin e 7-të të një pallati. Ish-ministri, sipas SPAK, e kishte fshehur këtë pasuri në emër të shokut të tij dhe ka qenë pronar ‘de facto’ i kësaj banese, për të cilën pretendonte se nuk ishte e tij.
Më 24 korrik 2024, agjentët e BKH ushtruan kontroll në apartamentin që u sekuestrua dhe sipas SPAK janë gjetur edhe të dhëna me interes për hetimin me abuzimet me fondet e BE në SASPAC, dosje për të cilën Ilir Beqaj ndodhet në burg.
Në vitin 2016, një shok i afërt i Ilir Beqajt, një biznesmen i identifikuar me inicialet I.F., ka lidhur kontratën e pronësisë me firmën ndërtuese dhe ka prenotuar apartamentin në vlerën 6,700,000 lekë të rinj. Një vit pas firmosjes së kësaj kontrate, SPAK thotë se ka nisur investimi dhe mobilimi i apartamentit, por jo nga pronari që e bleu me letra, por nga ish-ministri Beqaj dhe bashkëshortja e tij.
Në total ata kanë investuar 5,064,700 të rinj në apartament deri në fillim të vitit 2019. Apartamenti në total është rreth 166 metër katror, sipërfaqe e brendshme 90.8 m2, sipërfaqe verande 61.2m2 dhe sipërfaqe të përbashkëta 13.7m2.
Ndërkohë, në shkurt të vitit 2020, Prokuroria e Posaçme thotë se shoku i Beqajt ka nënshkruar një kontratë qiraje për apartamentin me bashkëshorten e Ilir Beqajt. Por, SPAK ka dyshime se e gjithë kjo skemë është përdorur nga ministri për të fshehur origjinën e pronës.
Foto brenda apartamentit të Beqajt që u sekuestrua
Sipas organit të akuzës, Beqaj dhe familjarët e tij e kanë poseduar lirisht pronën dhe janë sjellë si pronarë të apartamentit deri në fillim të vitit 2019, më pas kontrata e qirasë është nënshkruar mes shokut të Beqajt dhe bashkëshortes së ish-ministrit në fillim të vitit 2020. Kjo pasuri apo shpenzimet/investimet e kryera për mobilimin e saj nuk rezultojnë të jenë deklaruar sipas legjislacionit në fuqi nga Ilir Beqaj apo personat e lidhur me të.
Aktualisht Ilir Beqaj është në burg për abuzimet me fondet e SASPAC, ndërkohë që edhe në hetim edhe për dosjen e sterilizimit.
1- Ilir Beqaj - Drejtori i SASPAC
2- Ermal Kurtulaj - koordinator i projektit EUSAIR
3- Alfred Nikollaj - drejtori Administrativ i ‘Landways International’
Arrest në shtëpi:
4- Gazmend Haxhia - Pronari i ‘Landways International’ - Nuk është ekzekutuar vendimi
5- Elton Marini - Menaxher futbollistesh -ortak i shoqërisë private
Detyrim paraqitje:
6- Bledar Leka
7- Bjona Zijaj - konsulente financiare
Prokuroria e Posaçme kundër Korrupsionit dhe Krimit të Organizuar po kryen hetime në kuadër të procedimit penal me nr. 190, të vitit 2023. Nga tërësia e veprimeve proceduriale të kryera deri në këtë fazë të hetimeve paraprake për llogari të këtij procedimi penal, është identifikuar një pasuri e paluajtshme e llojit apartament banimi me vendodhje në Lungomare, Vlorë, si pasuri e lidhur me personin nën hetim Ilir Beqaj. Me vendim gjykate është lejuar kontrolli i kësaj pasurie në muajin korrik të vitit 2024, nga i cili janë përftuar të dhëna me interes për hetimin.
Kjo pasuri apo shpenzimet/investimet e kryera për mobilimin e saj nuk rezultojnë të jenë deklaruar sipas legjislacionit në fuqi nga personi nën hetim Ilir Beqaj apo personat e lidhur me të.
Nga tërësia e veprimeve hetimore të kryera rendisim faktet si më poshtë:
-Në vitin 2016, me kontratën e porosisë lidhur mes shoqërisë ndërtuese R…K… shpk dhe shtetasit I.F është prenotuar apartamenti në vlerën 6,700,000 (gjashtë milionë e shtatëqind mijë) lekë.
-Në vitin 2017 ka nisur investimi dhe mobilimi i apartamentit nga ana e personit nën hetim Ilir Beqaj dhe bashkëshortes së tij, proces i cili ka zgjatur deri në fillim të vitit 2019. Sipas aktit të ekspertimit vlerësues, vlera totale e investuar shkon deri në 5,064,700 (pesë milionë e gjashtëdhjetë e katër mijë e shtatëqind) lekë.
-Në shkurt të vitit 2020 është lidhur kontrata e qerasë mes shtetasit I.F (lidhje e ngushtë shoqërore e I.B) dhe A.B (bashkëshortja e Ilir Beqajt). Pavarësisht këtij fakti ka rezultuar se personi nën hetim Ilir Beqaj dhe familjarët e tij e kanë poseduar lirisht pronën dhe janë sjellë si pronarë të sendit të paluajtshëm deri në fillim të vitit 2019.
Të gjitha këto fakte në tërësinë e tyre vërtetojnë ekistencën e dyshimit të arsyeshëm mbi fiktivitetin e veprimit juridik, me qëllim fshehjen e origjinës së pronës. Bazuar në faktet e mësipërme, Prokuroria e Posaçme Kundër Korrupsionit dhe Krimit të Organizuar, bazuar në nenin 274 të Kodit të Procedurës Penale ka kërkuar pranë Gjykatës së Posaçme së Shkallës së Parë për Korrupsionin dhe Krimin e Organizuar vendosjen e masës së sigurimit pasuror “sekuestro preventive” ndaj pasurisë së mësipërme.
Gjykata e Posaçme e Shkallës së Parë për Korrupsionin dhe Krimin e Organizuar me Vendimin Nr. 539, datë 20.09.2024, ka vendosur:
-Pranimin e kërkesës së Prokurorisë së Posaçme kundër Korrupsionit dhe Krimit të Organizuar;
-Caktimin e masës së sigurimit pasuror “sekuestro preventive”, parashikuar nga neni 274 i Kodit të Procedurës Penale, mbi pasurinë e paluajtshme (apartament), me sipërfaqe 90.8 m2, sipërfaqe verande 61.2m2 dhe sipërfaqe të përbashkëta 13.7m2, me vendodhje në Lungomare, Vlorë, si pasuri e lidhur me personin nën hetim Ilir Beqaj
Hetuesit e Byrosë Kombëtare të Hetimit, në bashkëpunim me oficerë të policisë gjyqësore pranë Drejtorisë Vendore të Policisë Vlorë kanë kryer ekzekutimin e vendimit të Gjykatës.
Komente
Lajme të tjera
-
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Ekskluzive/ Neandertalët në Vlorë! Si u gjetën materialet e rëndësishme që ndryshojnë historinë për Shqipërinë
21 Dhjetor, 16:04
-
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
-
‘Mbështesim SPAK, pro zgjatjes së mandatit të prokurorëve’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar
21 Dhjetor, 12:49 -
‘Lazarati’/ Gjykata e Lartë kthen për rigjykim 5 anëtarët e grupit të zjarrit! Dosja në dorë të GJKKO
21 Dhjetor, 10:45
-
VIDEOLAJM/ Makina shpërthen në flakë në Vlorë, shtëllunga tymi mbulojnë zonën
21 Dhjetor, 10:37 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Vlorë/ Atentati ndaj Kevin Hajrullës, po kalonte rastësisht, flet i plagosuri tjetër: U shtriva përtokë, mendova se ishin fishekzjarre
20 Dhjetor, 15:30
-
Do grabisnin dhe do vrisnin dhëndrin e Qazim Sejdinit më 2020, GJKKO dënon me 27 vite burg 3 persona! Përfitojnë nga gjykimi i shkurtuar (EMRAT)
20 Dhjetor, 13:40 -
Dosja e inceneratorit të Tiranës, GJKKO nis gjykimin e ish-deputeti të PS, Alqi Bllako
20 Dhjetor, 13:09
Kur t'i vini në shitje këto pasuri të konfiskuara për llogari të shtetit, do të gjykoj se nuk po bëni shaka!
PërgjigjuKaq? Nje apartament ne Vlore? Po hotelin ne dhermi do beni sikur nuk e shikoni? Buze detit I pangopur, anes rruges I panxene, shoke e miqe I sakatosur.... dhe ju merrni vetem me nje apartament. Jeni te gjithe njesoj beni sikur vini drejtesi e talleni me popullin. Bllokoni pronat dhe kompanit qe ka me emer te te tjerve.
Përgjigjuedhe hotel paska? pranej vika me shiushe uji me vete!
Merrjani mor tan senet hajvanit. Bjerinimor nkaptin tan qelbsinave politiks ti ky lapurek!
PërgjigjuApartamenti 166 m2 ne ate zone nuk e gjen me pak se 320 mije euro (bosh pa aredim) sikur te jesh me fat
PërgjigjuKa dhe nje shok tjeter nga Vlora Beqja qe rri ne Washington.
PërgjigjuKush esht?
Suksese të mëtejshme o gjeni...
Përgjigju