Teksa e gjithë bota po pret zhvillimet nga lufta në Ukrainë pasi rritet frika për sulm bërthamor nga Rusia, Joe Biden e ka cilësuar Pakistanin si një nga vendet më të rrezikshme në botë. Marrëdhëniet e Uashingtonit me Pakistanin janë të tensionuara që nga viti i kaluar, kur SHBA i dha fund një lufte në Afganistan.
“Unë mendoj se është ndoshta një nga kombet më të rrezikshme në botë: Pakistani sepse ka armë bërthamore pa asnjë lloj kohezioni”, tha Biden duke nënkuptuar se mund t’i përdorin në çdo moment pasi mungon stabiliteti.
Pas kësaj deklarate të Joe Biden, Pakistan kërkoi një shpjegim nga ambasadori amerikan, Donald Blome, në zyrën e jashtme në Islamabad.
"Unë e kam diskutuar atë me kryeministrin dhe ne kemi thirrur ambasadorin e Shteteve të Bashkuara. Jam i befasuar nga komentet e Biden", tha ministri i jashtëm i Pakistanit, Bilaëal Bhutto Zardari.
Nga ana tjetër, kryeministri i Pakistanit, Shehbaz Sharif, ka hedhur poshtë komentet e bëra nga Presidenti i SHBA-ve të cilat i cilësoi si mashtrime dhe të pa sakta.