POP 5

Lajmet më të lexuara të 5 minutave të fundit

Bota

'Nuk flet por është kaq i lirë. Të lutemi për të', videoja e djalit që luan pranë Papa Franceskut bëhet virale në rrjet

Djali dhe familja e tij kishin ardhur nga Argjentina vetëm për të dëgjuar audiencën e Atit të Shenjtë. Deri në momentin që djali u shkëput nga krahët e nënës dhe vajti të luante pranë Papës. 

'Nuk flet por është kaq i lirë. Të lutemi për të', videoja e djalit që luan pranë Papa Franceskut bëhet virale në rrjet

Papa duke mbajtur audiencën dhe djali duke luajtur

Audienca e Papa Franceskut në Vatikan është kthyer virale në rrjet pasi një djalë u largua nga e ëma dhe filloi të luante pranë Atit të Shenjtë.

Fëmija u afrua pranë tij dhe më pas filloi të luante me rojën duke mos u vënë në siklet nga turma që e rrethonte. Pas pak çastesh në podium vajti dhe nëna e tij për marrë të birin, duke i thënë Papës se ai nuk fliste.

Por në moment ka ndërhyrë vetë Ati i Shenjtë duke i kërkuar nënës që ta linte të luante të birin.

"Ky fëmijë nuk mund të flasë. Ai është memec. Por ai mund të komunikojë. Ai është i lirë, i lirë dhe i padisiplinuar.Më bëri të mendoj për veten time. A jam edhe aq i lirë para Perëndisë? Le të lutemi për të pasi nuk flet" tha Papa para qindra personave që po dëgjonin ligjëratën e tij.

Djali dhe familja e tij kishin ardhur nga Argjentina vetëm për të dëgjuar audiencën e Atit të Shenjtë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Minimumi jetik në vend 184 euro për person, a është i mjaftueshëm?

Lajme të tjera



×

Lajmi i fundit

Tërmeti politik në Maqedoninë e Veriut: Pse fitoi VMRO?

Tërmeti politik në Maqedoninë e Veriut: Pse fitoi VMRO?

9 Maj, 19:21 nga Enver Robelli