Një tërmet me magnitudë 6.3 goditi Turqinë jugore mbrëmjen e së hënës, duke vrarë të paktën 8 persona dhe duke plagosur qindra të tjerë, sipas zyrtarëve turq dhe sirianë, dy javë pas një tërmeti masiv që vrau dhjetëra mijëra njerëz në të dy vendet.
Tërmeti goditi provincën jugore Hatay të Turqisë, afër kufirit me Sirinë, tha të hënën Agjencia e Menaxhimit të Fatkeqësive dhe Emergjencave të Turqisë (AFAD).
Epiqendra e tërmetit ishte në qarkun Defne të provincës, tha të hënën Ministri i Brendshëm turk Süleyman Soylu, duke shtuar se që nga ajo kohë ka pasur 26 pasgoditje.
Sipas mediave të huaja, 3 persona kanë vdekur në Turqi dhe 5 të tjerë në Siri. Në qytetin Antakya në provincën jugore Hatay të vendit, tre burra u bllokuan kur një ndërtesë që i kishte mbijetuar tërmetit fillestar dy javë më parë u shemb, sipas të afërmit të tyre, Yahya Hallak.
Dy javë nga tërmeti i 6 shkurtit në Turqi e Siri, numri i viktimave kap shifrën e 47 mijë viktimave. Në pjesën më të madhe të zonave të goditura kërkimet janë mbyllur, ndërsa vijojnë vetëm në 15 ndërtesa të Hatayit.
Lajmi në përditësim...
Ministri i Mbrojtjes Niko Peleshi ka shprehur mirënjohje për ekipin e kërkim shpëtimit që u kthye nga Turqia ku ndihmoi në operacionet për nxjerrjen nga rrënojat të personave të mbijetuar. Në një postim të bërë në facebook, ku e shoqëron edhe me një video, ku flasin anëtarë të ekipeve të shpëtimit.
"Më shumë se mirënjohje për efektivët e guximshëm të Forcave të Armatosura që u përfshinë pa u lodhur në operacionet e kërkim-shpëtimit pas tërmetit shkatërrues në Turqi. Përpjekjet dhe puna juaj e lavdërueshme, na e ngrenë kokën lart dhe na bëjnë të ndjehemi krenarë që ishim ndihmë në ditë të vështira për ata që patën nevojë"-shkruan Peleshi.
Deputeti turk, Lütfi Kaşıkçı, i cili ishte në Hatay duke dhënë një prononcim për mediat për situatën aktuale kur nisën lëkundjet e forta të tërmetit 6.4 ballë.
Ai u pa duke u larguar me vrap pasi ishte shumë pranë godinave të mëdha. Ky moment u filmua nga kamerat e sigurisë që tregonin deputetin që largohej me shpejtësi.
Shumë ndërtesa të dëmtuara nga 2 tërmetet në Turqi u shkatërruan nga lëkundja e mbrëmshme 6.4 ballë. Nga godina e Fakultetit të Arkitekturës në Universitetin Mustafa Kemal, gjithcka është rrafshuar përvec shkallëve të emergjencës.
Aty duket qartë se vetëm shkallët që përdoren në raste emergjence mbeti në këmbë ndërsa godina u rrëzua e gjitha.
Gjeoshkencëtari turk, Naci Görür ka bërë një paralajmërim sa i përket tërmeteve të ardhshme që mund të godasin Turqinë. Pas tërmeteve të forta që tronditën zonën e Hataj, mbrëmjen e djeshme, gjeoshkencëtari tha se tashmë kjo zonë e ka çliruar të gjithë energjinë e mbledhur dhe se rradhën e ka Stambolli, qyteti me më shumë banorë në vend.
“Hatay e ka zbrazur energjinë, koha po afrohet për Stambollin, nëse nuk përgatitemi, do të jetë shkatërrues për vendin tonë”, tha ai për mediat turke.
“Unë dhe miqtë e mi gjeoshkencëtarë i bëmë këto paralajmërime, por askush nuk na dëgjoi dhe nuk na e vuri veshin. Jo vetëm që nuk u konsultuam, por edhe fotografia e tërmeteve në Kahramanmaras tregonte se nuk kishte përgatitje të mjaftueshme”, shtoi Gorur.
Lajme të tjera
-
Protagonist si zëvendësues, Muçi nuk shmang dot disfatën e Besiktas! E mund Demirspori i Kurtulan (VIDEO)
17 Dhjetor, 11:56 -
Kosova do të prodhojë dy lloj municionesh dhe do të dizajnojë dronë luftarakë! Nënshkruhet kontrata me kompaninë turke
16 Dhjetor, 16:00 -
Ministri i Mbrojtjes Nikos Dendias: Turqia po zgjeron pretendimet ndaj Greqisë
14 Dhjetor, 20:14 -
VIDEO/ Taulant Seferi shënon në Turqi, fiton duelin me Rey Manaj! Gol edhe Odise Roshi
14 Dhjetor, 19:21 -
Siri/ Rënia e Bashar al-Assad, Turqia rihap ambasadën në Damask pas 12 vjetësh
14 Dhjetor, 18:59 -
Erdogan takon Orban: Bashkëpunim me BE-në për të rindërtuar Sirinë
12 Dhjetor, 19:56 -
Shqipëria, ndër vendet më obeze të Europës, më elegantët italianët
12 Dhjetor, 10:56 -
Aktori shqiptar Bertan Asllani fiton çmimin kinematografik 'Golden Kebek' në Turqi
10 Dhjetor, 22:44 -
Ish-gjenerali i shërbimeve sekrete ruse: Siria ishte një barrë e panevojshme, por Erdogan e poshtëroi Putinin
10 Dhjetor, 20:09 -
Ndërhyrja horror, Manaj kërkon falje! Babai i futbollistit turk s'e pranon: Do shihemi së shpejti, ta premtoj!
9 Dhjetor, 12:48 -
VIDEO/ Rey Manaj e bën 'baltë' në Turqi, detyron Federatën të reagojë dhe të hetojë! Sulmuesi i Kombëtares kërkon falje
8 Dhjetor, 19:43 -
Turqia dislokon afër 350 trupa në Kosovë
8 Dhjetor, 18:23
