Teddy i vogël për të festuar 6 vjetorin e ditëlindjes së tij organizoi një festë, por nuk i erdhi asnjë shok. Nëna e vogëlushit shpërndau foton e tij në rrjetet sociale, ku i biri shihej mjaft i trishtuar në ditën e tij të veçantë. Një miku i familjes gazetar e shpërndau gjithashtu në media këtë foto, e cila tashmë ka bërë xhiron e rrjetit.
"NYPost" shkruan seTeddy Mazzini kishte ftuar shokët për drekë në një piceri për të festuar 6-vjetorin e lindjes së tij, por asnjë nuk u shfaq. I vogli mori qindra e mijëra urime në ‘Facebook’ nga njerëz të ndryshëm nga e gjithë bota, madje skuadra e NBA, Phoenix Suns, e ftoi Teddy-n që ta festojë ditëlindjen me ta. 6-vjeçarit nuk i erdhi asnjë shok, por ai bëri aq shumë miq anembanë botës, saqë asnjëherë më nuk do ta festojë i trishtuar ditëlindjen e tij!
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)