POP 5

Lajmet më të lexuara të 5 minutave të fundit

Kronikë

Zvarriti vendimin për Velierën, gjyqtari në 'rrjetën' e drejtësisë, nis verifikimi

Relatori i trupit gjykues në Gjykatën Administrative, Ergys Gashi, i cili gjykoi çështjen Veliera, do t’i nënshtrohet verifikimit nga Inspektorati i Këshillit të Lartë të Drejtësisë, pasi nuk zbardhi vendimin brenda afatit të përcaktuar.

Relatori i trupit gjykues në Gjykatën Administrative, Ergys Gashi, i cili gjykoi çështjen Veliera, do t’i nënshtrohet verifikimit nga Inspektorati i Këshillit të Lartë të Drejtësisë, pasi nuk zbardhi vendimin brenda afatit të përcaktuar.

Ministrja e Drejtësisë, Etilda Gjonaj, nga Durrësi, ku zhvilloi një bashkëbisedim me studentët e universitetit ‘Aleksandër Moisiu’, me temë Reforma në Drejtësi, tha se ka kërkuar nga inspektorati i Këshillit të Lartë të Drejtësisë që të verifikojë dosjen gjyqësore për rastin e procesit për Velierën.

Sipas ministres, gjyqtari i çështjes nuk ka zbardhur në kohë vendimin, ndërsa theksoi se rasti po ndiqet me shumë seriozitet nga Ministria, duke shtuar se ankesa është bërë nga kryetari i Bashkisë së Durrësit, Vangjush Dako.

Pak ditë më parë, kryetari i bashkisë Durrës, Vangjush Dako, e quajti të paaftë gjyqtarin Gashi, duke kërkuar nga instancat përkatëse të merren masa dhe të zhbllokohet rruga ligjore për çështjen Veliera, e cila pritet të apelohet nga palët.

"Kur kanë kaluar më shumë se 60 ditë nga përfundimi i procesit gjyqësor për çështjen Veliera, gjyqtari Ergys Gashi ende nuk ka zbardhur vendimin. Në këto kushte palët, Bashkia Durrës dhe shoqëria civile kanë pengesë ligjore për ta ankimuar në gjykatën e apelit.

Aktualisht ne flasim për një çështje me një interes shumë të madh publik siç është Veleria. Gjyqtari i gjykatës Administrative, Ergys Gashi prej dy muajsh nuk e ka zbardhur vendimin duke bërë Veleria të jetë një gërmadhë e hapur në mes të Durrësit. Çfarë masash merren ndaj një gjyqtari, i cili nuk e zbardh vendimin afateve ligjore të përcaktuara, brenda 7 ditësh?

Ne na ka ardhur në ministrinë e Drejtësisë si ankesë edhe nga kryetari i bashkisë, për mos zbardhjen e vendimit nga gjyqtari. Në bazë të kompetencave që ministri i Drejtësisë ka, i është drejtuar Inspektoriatit të Këshillit të Lartë Drejtësisë për inspektimin dhe verifikimin e rastit. Presim rezultatet e raportit të Inspektoratit të KLD-së dhe pas kësaj ministri i Drejtësisë do të propozojë masat sipas përcaktimeve ligjore të reja"

Etilda Gjonaj, ministre e Drejtësisë

Duke e ditur se kanë kaluar dy muaj afat nga kjo. Ku mund të merret masa, çfarë do të bëhet?
Gjonaj: Kjo është një kompetencë që i takon Inspektoriatit të KLD-së. Presim raportit e Inspektoriatit dhe më pas në varësi të rezultateve dhe të gjetjeve të Inspektoriatit, ministri i Drejtësisë ia propozon masën për gjyqtarin KLD-së dhe më pas vendimmarrja i takon KLD-së në mënyrë kolegjiale.

Në momentin që KLD-ja apo dhe vetë strukturat që janë në ngërç siç e përmendëm këtu..?
Gjonaj: Në rastin konkret, nuk e di se sa jeni në dijeni, por unë si ministre e Drejtësisë kam çuar katër raste për masë ndaj 4 gjyqtarëve në KLD. Presim të mblidhet KLD dhe të merret vendimi dhe pavarësisht se ministri i Drejtësisë propozon masat përkatëse i takon përsëri vendimmarrja KLD-së.

Edhe në 12 rastet ku ministri i Drejtësisë ka proceduar si anëtar i KLD-së në vazhdim të propozimeve për masat që ministrat e mëparshëm të Drejtësisë i kanë drejtuar KLD-së, pikërisht KLD nuk ka marrë masat e propozuara nga ministri i Drejtësisë i mëparshëm dhe të nënvizuara nga unë, por i ka rrëzuar ato duke nxjerrë pretendime dhe duke nxjerrë pretendimet e tyre.

Të mos harrojmë se kjo është një vendimmarrje kolegjiale dhe kjo është arsyeja që edhe sistemi i drejtësisë ka ndryshuar dhe ka ndryshuar edhe mënyrën se si janë krijuar institucionet e reja të drejtësisë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • miri: 01/05/2018 18:24

    Ja ben mire kjo. Nuk ben per kte pune jep doreheqjen. Kjo eshte reforma dhe vetem kshu behet drejtesia

    Përgjigju
  • Uns: 01/05/2018 00:34

    Dako qe kerkon drejtesi

    Përgjigju
  • Oneta: 30/04/2018 17:07

    A cja u ka bere mire. Ti heqi ti zhduki kta te korruptuarit.

    Përgjigju
  • Urzi: 30/04/2018 17:04

    Kjo do ta zbatoj tamam reformen fhe ka per ta zbatuar. Hallall i qoft

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu