POP 5

Lajmet më të lexuara të 5 minutave të fundit

Sociale

Nxënësit e Mitrovicës vizitojnë Kullën e Qëndresës në Kukës! Mësuesit: Lënda e historisë të futet në shkollat profesionale

Kulla e Qëndresës në Kukës është ndalesa kryesore për nxënësit nga Kosova që vijnë për ekskursion në vendin tonë. Mësuesit e tyre, thanë se të rinjtë kanë pak njohuri për eksodin e ’99-ës, pasi lënda e historisë është hequr nga shkollat e mesme profesionale.

Dhjetëra nxënës të Mitrovicës, nisën turin e tyre nga Kukësi drejt qyteteve të tjera turistike të vendit. Kulla e Qëndresës që përkujton eksodin e 1999-ës është ndalesa e parë pasi simbolizon eksodin biblik, që e ka zanafillën pikërisht nga Mitrovica, banorët e së cilës udhëtuan për tre ditë në këmbë për të mbërritur në Kukësit.

Mësuesit e shkollës së Mesme Mjekësore "Xheladin Deda" janë dëshmitarë të vuajtjeve të asaj kohe, por brezi i ri ka njohuri të cunguara, pasi lënda e historisë është hequr nga shkollat e mesme profesionale të Kosovës.

“Është obligim që nxënësve tua freskojmë njohuritë për vuajtjet e popullit tonë. Është përjetim që ne e kemi pasur, kjo gjeneratë nuk e ka pas këtë fat të keq, por brezi im e kemi provuar dhunën, ndaj ata duhet ta dinë se Shqipëria na ka pritur që të mos harrohet ngjarja. Me keqardhje e them se historia është hequr nga shkollat e mesme profesionale, dy ministritë duhet ta ndryshojnë këtë”, u shpreh Gani Rama.

“Është nder me vizituar Kukësin dhe sidomos Kullën e Eksodit, është mision edukativ ekskursioni në këtë vend. Në tekste s’ka njohuri rreth eksodit”, tha Selim Jonuzi.

Gjatë luftës 1998-1999, rreth një milion shqiptarë të Kosovës u detyruan nga forcat serbe të shpërnguleshin nga shtëpitë e tyre dhe të strehoheshin kryesisht në Shqipëri, por dhe në Maqedoninë e Veriut dhe Malin e Zi. 

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23