POP 5

Lajmet më të lexuara të 5 minutave të fundit

Kronikë

Nxjerr nga Lazarati, 700 kg drogë
arrestohet vlonjati 46 vjeça

Drejtoria e Policisë së Gjirokastrës dhe Sektori Kundër Narkotikëve sekuestroi ditën e sotme rreth orës 01:30 të mëngjesit rreth 700 kilogramë lëndë narkotike Marijuanë.
Nxjerr nga Lazarati, 700 kg drogë<br />arrestohet vlonjati 46 vjeça
GJIROKASTËR - Drejtoria e Policisë së Gjirokastrës dhe Sektori Kundër Narkotikëve sekuestroi ditën e sotme rreth orës 01:30 të mëngjesit rreth 700 kilogramë lëndë narkotike Marijuanë.

Droga u sekuestrua në një kamionçinë tip Iveco me targa AA 928 AZ, e cila drejtohej nga shtetasi Eduard Sako, 46 vjeç, lindur dhe banues në Vlorë.

Sipas operacioneve të marra në rrugë operative, mjeti që transportonte lëndën narkotike kishte dalë nga fshati i Lazaratit dhe u ndalua nga forcat e policisë në afërsi të liqenit të Viroit.

Forcat e policisë bënë të mundur arrestimin e shtetasit 46-vjeçar që po transportonte drogën dhe sekuestruan lëndën narkotike.

Droga ishte fshehur në karrocerinë e kamionçinës ku ishte krijuar një dhomë e fshehtë e veshur me tapiceri druri. Brenda kësaj dhome të fshehtë ishte fshehur lënda narkotike e ndarë në 286 pako dhe e mbështjellë me letër natriban.

Sipas hetimeve, rezultoi se droga kishte si destinacion Italinë.

Materialet i kaluan Prokurorisë së Gjirokastrës për veprën penale të "Prodhim dhe shitje të lëndëve narkotike".

(v.gj/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51