POP 5

Lajmet më të lexuara të 5 minutave të fundit

Politikë

‘O ia dalim, o ia dalim, se askush tjetër nuk ia del dot’, Rama njofton qytetarët: Në Stamboll për më shumë vaksina

Kreu i qeverisë Edi Rama, ka bërë me dije mëngjesin e sotëm se ndodhet në Stamboll. Në kuadër të vizitës së tij në Turqi, Rama njofton se ndodhet atje për më shumë vaksina anti-COVID

‘O ia dalim, o ia dalim, se askush tjetër nuk ia del dot’, Rama njofton qytetarët: Në Stamboll për më shumë vaksina

Edi Rama

Kreu i qeverisë Edi Rama, ka bërë me dije mëngjesin e sotëm se ndodhet në Stamboll. Në kuadër të vizitës së tij në Turqi, Rama njofton se ndodhet atje për më shumë vaksina anti-COVID. Rama shkruan se rrugë tjetër nuk ka ‘o ia dalim o ia dalim’ pasi askush tjetër nuk ia del dot.

‘Në Stamboll për shumë vaksina! O ia dalim o ia dalim, s'ka tjetër dhe po s'ia dolëm ne askush tjetër nuk ka si ia del dot!’- shkruan Rama.

Vaksinat kineze Sinovac, pritet të mbërrijnë mesditën e sotme rreth orës 13:00 nga aeroporti i Rinasit. Kryeministri Edi Rama u nis dje rreth orës 16:00 drejt Turqisë për të siguruar vaksina kineze, nga marrëveshja e arritur pak ditë më parë mes qeverisë shqiptare dhe një distributori turk.

Dy ditë më parë është zbardhur në fletoren zyrtare, akti normativ i qeverisë shqiptare me një distributor turk, por nuk janë publikuar detaje që ruhen nga sekreti tregtar.

Aktualisht Shqipëria ka siguruar rreth 90 mijë vaksina Pfizer, AstraZeneca, Sputnik V. Vaksina kineze po përdoret gjerësisht në Kinë edhe në disa vende të Europës, ndërsa agjencia europiane e barnave po kryen studime për të miratuar përdorimin e vaksinës ruse Sputnik V. 

Deri më tani janë kryer 27,872 vaksinime për personelin shëndetësor dhe stafet mbështetëse, 7,932 vaksinime për të moshuarit dhe 12,411 vaksinime për arsimtarët. Nga java e ardhshme do të fillojë vaksinimi masiv për të moshuarit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Prill, 11:51

    Trump tarifa doganore 10 për qind Shqipërisë, sa ndikon në ekonomi?

Lajme të tjera



×

Lajmi i fundit

Ishte shpallur në kërkim për miliona euro evazion fiskal, vetdorëzohet në polici Oltion Buzi, administratori i 'Buzi Store'

Ishte shpallur në kërkim për miliona euro evazion fiskal, vetdorëzohet në polici Oltion Buzi, administratori i 'Buzi Store'

3 Prill, 18:52