'O Nermin eja këtu, serbët s’po na bëjnë asgjë', si i vranë forcat serbe babë e bir në Srebrenicë

Masakra dhe gjenocidi serb në Srebrenicë të Bosnje e Hercegovinës është një prej krimeve më të tmerrshme që prej përfundimit të Luftës së Dytë Botërore. Forcat serbe nen komandën  e gjeneralit famëkeq Ratko Mlladiq, kanë vrarë mbi 8000 civilë të pafajshëm myslimanë, kryesisht djem të rinj dhe burra. E sa herë që vjen përvjetori i Masakrës së Srebrenicës, një nga skenat më të dhimbshme është ajo e babait, Raminit, që e thërret djalin e tij Nerminin të kthehet nga mali, për t’u bashkuar me të gjithë meshkujt e tjerë, duke i thënë se asgjë e keqe nuk do të ndodhte, pasi i kishin mashtruar forcat serbe.

“Nermin eja këtu… jemi të lirë nga serbët.. nuk po na bëjnë asgjë”, thërriste i dëshpëruar ai.

Më pas të dy, babë e bir, ishin vrarë, ndërkohë eshtrat e tyre ishin gjetur vetëm në vitin 2008.Ata ishin gjetur në dy varreza të ndryshme masive në afërsi të Srebrenicës. Ndërkohë në Bosnje e Hercegovinë është ndërtuar edhe një shtatore e babit të Nerminit, në kujtim të tragjedisë në Srebrenicë.

Artisti Mensud Keco, I frymëzuar nga kjo histori  ka bërë një skulpturë në Parkun e Madh të Sarajevës.

Ndërsa politikani , Cedomir Jovanoviq ka thënë se 24 vjetori i Masakrës së Srebrenicës, është një ngjarje ku shoqëria duhet të ulë kokën, për gjithë atë që kishte ndodhur.

Ai thoshte së ndihej i turpëruar dhe njëkohësisht i zemëruar me gjithë atë që kishte ndodhur, duke thënë se politika e Serbisë duhet ta pranojë fajin për të gjitha veprat që kishte bërë.

/r.k./Shqiptarja.com

TAG:
• radovan karaxhic
• Bosnje Hercegovine
• Masakra e Srebrenicës
• srebrenice