Nju Jork - Joe Biden ka thënë se do të tërhiqet nga gara për Shtëpinë e Bardhë vetëm nëse “Zoti i Plotfuqishëm” i kërkon ta bëjë këtë. Për momentin, pyetjen e drejtpërdrejtë ia bëri parlamentari demokrat Mike Levin, gjatë një takimi virtual mes presidentit të Shteteve të Bashkuara dhe krahut politik të Grupit Hispanik të Kongresit.
"Është koha që dikush tjetër të na udhëheqë," mësohet të kenë qenë fjalët e Levin sipas dy burimeve.
Në këtë pikë Biden do të kishte përsëritur vendimin e tij për të vijuar garën e tij për tu rikonfirmuar në Shtëpinë e Bardhë. Takimi virtual thuhet se ka përfunduar aty, ndërkohë të mëdhenjtë e partisë dhe ‘të zotët e parave’ po përpiqen t'i çojnë mesazhin Biden.
Një grup donatorësh bujarë për fushatën presidenciale kanë njoftuar ngrirjen e 90 milionë dollarëve nëse Biden mbetet kandidat.
Ndërkohë, flitet se Barack Obama dhe Nancy Pelosi po nxisin Biden të tërhiqet. Lideri i demokratëve në Dhomën e Përfaqësuesve Hakeem Jeffries hodhi poshtë presidentin gjatë një takimi të enjten në mbrëmje, dhe e njëjta gjë mund të ndodhë në Senat, mëson Moisés Naim, ish-drejtor i revistës Foreign Policy.
“Burimet e mia më kanë konfirmuar se edhe lideri i mazhorancës demokrate në Senat Chuck Schumer po përgatitet të braktisë Biden-in”. Nëse edhe Senati, ku Biden ka shërbyer gjithë karrierën e tij, i kthen shpinën, do të jetë shumë e vështirë për të që të mbetet kandidat, thotë Moises Naim, citon La Repubblica.
Nga sa dëgjoj - shton Moises Naim, - kandidatja e preferuar për t’i zënë vendin nuk është zëvendësja e tij, Kamala Harris, e cila ka probleme serioze me popullaritetin, por guvernatorja e Miçiganit, Gretchen Whitmer”.
“Përveç se është një politikane e mirë - shpjegon ai - ajo është shumë e përgatitur. Ka avantazhin e fitores pothuajse të sigurtë në shtetin e vet, një nga tre shtetet kryesore, dhe aftësinë për të folur me votuesit e Midwest, të cilët do të jenë vendimtarë në ndarjen e dy shteteve të tjera, Wisconsin dhe Pennsylvania.
Gafat e presidentit në konferencat për shtyp në mbyllje të samitit të NATO-s vetëm sa kanë përshpejtuar një krizë të pakthyeshme. Në të parën, nën sytë e liderëve të vendeve aleate, Biden e mbylli fjalimin e tij duke i dhënë fjalën “Presidentit Putin” në vend të presidentit ukrainas Volodymyr Zelensky. Më pas, në konferencën e hapur vetëm për gazetarët amerikanë, dhe nën sytë e një Sekretari të Shtetit të ngurtësuar Antony Blinken, Biden foli për "Zëvendës Presidentin Trump", duke e ngatërruar atë me Kamala Harris.
Trump shfrytëzoi rastin për të tallur kundërshtarin e tij: “Punë e madhe, Xho”. Nga ana tjetër fushata e Biden u përgjigj me sarkazëm: "Po, e di ndryshimin: njëri është prokuror, tjetri një kriminel i dënuar".
Votuesit demokratë janë në panik dhe mediat po e shfrytëzojnë këtë për të nxitur psikozën, duke nxjerrë sfonde të reja. E fundit, e përmendur nga CNN, ka të bëjë me një plan të urdhëruar nga disa anëtarë të grupit të ashtuquajtur "Super Miqtë": ish-presidenti Obama dhe ish-kryetari i Dhomës së Përfaqësuesve Pelosi. Të dy kanë folur për situatën, duke shprehur shqetësimin për rezultatin e fushatës elektorale. Të dy janë të bindur se nëse Biden mbetet në garë, demokratët do të humbasin Shtëpinë e Bardhë, dhe Senatin në nëntor.
Ish-presidenti u zhduk, ndërsa ish-kryeparlamentari tha privatisht se nëse Biden bën hapin e madh, "ai do të tregojë veten si lideri më i rëndësishëm demokrat". Asnjë nga të përfshirët drejtpërdrejt nuk komentoi mbi sfondin, por CNN konfirmoi gjithçka, duke cituar një burim të brendshëm, sipas të cilit "kur të shkruhet historia e kësaj periudhe të jashtëzakonshme dyjavore, gjurmët e gishtave të Obamës dhe Pelosit do të jenë shumë të dukshme". /La Repubblica.it/
Komente
Lajme të tjera
-
Kina thotë se SHBA-ja po 'luan me zjarrin', për shkak të mbështetjes së Tajvanit
22 Dhjetor, 15:15 -
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23 -
Trump trysni për një marrëveshje që i jep fund luftës Rusi-Ukrainë
20 Dhjetor, 16:16 -
SHBA/ Joe Biden: Do marr pjesë në inaugurimin e Trump! Nuk do ndjek shembullin e tij 'fëmijëror' 4 vite më parë
19 Dhjetor, 19:42 -
Trump rrëzon buxhetin e përkohshëm të SHBA
19 Dhjetor, 15:12 -
Biden fal 1500 të dënuar, mes tyre dhe një shqiptar! U dënua me 27 vite burg për drejtimin e një organizate kriminale, trafikonin sasi të mëdhaja droge (EMRI)
14 Dhjetor, 20:32 -
Shtëpia e Bardhë publikon strategjinë për luftim të urrejtjes kundër myslimanëve dhe arabëve
13 Dhjetor, 10:10 -
Ish-informatori i FBI-së pranon se gënjeu për marrëdhëniet e biznesit të Hunter Bidenit me një kompani energjetike ukrainase
12 Dhjetor, 20:58 -
Trump kritikon vendimin e Biden për të lejuar Ukrainën që të sulmojë thellë brenda Rusisë me raketa amerikane
12 Dhjetor, 20:52 -
Pas djalit të tij, Biden fal 39 të burgosur dhe zvogëlon 1500 dënime
12 Dhjetor, 14:23 -
Biden miraton dokumentin mbi sigurinë kombëtare, lidhur me katër vende kundërshtare të SHBA-ve
11 Dhjetor, 21:11 -
Rënia e Assadit/ Al Jolani zgjedh kryeministrin e ri për qeverinë tranzitore, besnik i tij! Lirohen të burgosurit e regjimit
9 Dhjetor, 09:41
Sa e ëmbël është karikja ,këtë e zë gjumi dhe nuk e lëshon me sa duket do ta mari me vete,pa le ai tjetri që për herë të parë në historinë e Amerikës sulmoi shtëpinë e bardhë vrau e dogji dhe përsëri synon të bëhet president,çudira amerikane.....
PërgjigjuPer te ardhur keq ku eshte katandisur!