/ATSH-AFP/ - Etiopia duhet të bëjë më shumë përsa i përket të drejtave të njeriut, konfirmoi sot presidenti amerikan, Barack Obama në një konferencë të përbashkët shtypi me kryeministrin etiopian, Hailemariam Desalegn.

"Mbetet shumë punë për të bërë dhe mendoj se kryeministri është i pari që duhet të pranojë se ka ende shumë për të bërë", theksoi ai.

Etiopia, partner kryesor i SHBA-së përsa i përket luftës kundër terrorizmit, është akuzuar shpesh për shkelje të të drejtave të njeriut.

Presidenti amerikan, Barack Obama premtoi gjithashtu se do të mbante presionin mbi islamikët somalezë shebab, që kryen dje një atentat të përgjakshëm në Mogadisho.

"Angazhimi i Etiopisë drejt demokracisë është real", konfirmoi kryeministri, Hailemariam Desalegn, gjatë konferencës të përbashkët për shtyp me presidentin amerikan, Barack Obama./