POP 5

Lajmet më të lexuara të 5 minutave të fundit

Politikë

Obama, letër Berishës: Falemnderit,
Ju jeni me rëndësi dhe në opozitë

Presidenti Amerikan Barak Obama ka falenderuar ish-Kryeministrin Sali Berisha për bashkëpunimin që ka pasur me të nëpërmjet një letre miqësore.
Obama, letër Berishës: Falemnderit,<br />Ju jeni me rëndësi dhe në opozitë
TIRANË – Presidenti Amerikan Barak Obama ka falenderuar ish-Kryeministrin Sali Berisha për bashkëpunimin që ka pasur me të, për përpjekjet e përbashkëta në Afganistan dhe partneritetin që vazhdon ndërmjet dy vendeve. Po ashtu, Obama e inkurajon Berishën, tashmë në opozitë, se ai do të jetë një opozitar i rëndësishëm dhe se Shqipëria ka nevojë për një opozitë konstruktive.

Lajmin e ka bërë të ditur vetë ish-Kryeministri Berisha, duke publikuar në Fb letrën e marrë nga Presidenti amerikan.

Në këtë letër thuhet:

I dashur Dr. Berisha!

Ka qenë nder dhe kënaqësi që kam punuar me Ju gjatë mandatit Tuaj si Kryeministër i Shqipërisë. Shqipëria është një aleat dhe mik i Shteteve të Bashkuara të Amerikës dhe ne gëzojmë një partneritet të fortë në shumë fusha. Si Kryeministër, Ju keni ndihmuar ne thellimin dhe forcimin e lidhjeve midis dy vendeve tona.

Unë dua t'ju falenderoj për mbështetjen Tuaj ndaj përpjekjeve tona në Afganistan dhe Siri si dhe për punën Tuaj në ruajtjen e stabilitetit në Ballkan.

berisha obamaDo të doja gjithashtu të rikonfirmoj mirënjohjen time për bashkëpunimin e qeverise suaj në lehtësimin e transferimit të të burgosurve të Guantanamo Bay dhe banorëve te Hurriya Kamp.

Këto janë çështje të rëndësishme dhe ne e vlerësojmë mbështetjen e fortë të Shqipërisë.

Ndersa Ju kaloni në rolin Tuaj si një anëtar i rëndësishem i opozitës, unë e di se Ju do të mbeteni i angazhuar pozitivisht në proçesin e ndërtimit të kauzës së Shqipërisë për anëtarësim në Bashkimin Evropian.

Shqipëria ka nevojë për një opozitë efektive dhe konstruktive që fokusohet në zhvillimet e vendit dhe punon me qeverinë e re për të prodhuar rezultate të prekshme për popullin shqiptar.

Me lejoni t'Ju bëj urimet e mia më të mira për sukses të madh dhe lumturi në të gjitha përpjekjet tuaja në të ardhmen. Sinqerisht, Barack Obama.

Kjo letër vjen pas një vizite disaditore në SHBA të Kryeministrit aktual Edi Rama, gjatë të cilës ai u takua edhe me Presidentin Obama dhe mori garancinë për vazhdimin e mëtejshëm të bashkëpunimit ndërmjet dy vendeve.

Redaksia online
(ar.sh/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Humbja në Liverpool, Ancelotti: Keni për ta parë, do kualifikohemi dhe do garojmë për trofeun

Humbja në Liverpool, Ancelotti: Keni për ta parë, do kualifikohemi dhe do garojmë për trofeun

28 Nëntor, 14:41