/ATSH-AFP/ - Barack Obama mbledh sot Këshillin Kombëtar të Sigurimit për të bërë një analizë mbi informacionet për atenatet në Paris, para se të largohet nga Uashingtoni për të vajtur në mbledhjen e G20 në Turqi, sipas Shtëpisë së Bardhë.
Presidenti amerikan do të niset për në mbledhjen e G20 sot, sipas axhendës zyrtare.
Krerët e vendeve më të pasura të planetit gjenden duke filluar nga e diela në Antalia.
Atentatet e Parisit, të marra përsipër nga grupi Shteti Islamik, kanë bërë të paktën 128 të vdekur dhe disa qindra të plagosur.