POP 5

Lajmet më të lexuara të 5 minutave të fundit

Shëndeti

OBSH: Shqipëria me numrin më të ulët të mjekëve për banorë në Europë më 2020

Me tkurrjen e popullsisë, numri i mjekëve për banorë erdhi në përmirësim vitet e fundit, por sërish Shqipëria renditet e fundit në Europë për këtë tregues, referuar të dhënave të fundit të Organizatës Botërore të Shëndetësisë.

Shqipëria renditet e fundit në Europë për numrin e mjekëve për banorë, sipas të dhënave të Organizatës Botërore të Shëndetësisë. Të dhënat që i përkasin viti 2020 tregojnë se në Shqipëri ishin 18.8 mjekë për 10 mijë banorë, niveli më i ulët në Europë e rajon.

Pas Shqipërisë, numrin më të ulët të mjekëve për banorë e ka Turqia me 20.4 për 10 mijë banorë dhe më pas Bosnja me 21 mjekë për 10 mijë banorë, ndjekur nga Mali i Zi. Në anën tjetër, Greqia kryeson listën për numrin e lartë të mjekëve 63,1 për 10 mijë banorë, ndjekur nga Portugalia Austria e Norvegjia.

Vendet e zhvilluara të Europës kanë mbi 40 mjekë për 10 mijë banorë. Në rajon, numrin më të lartë të mjekëve për banorë e ka Serbia me 36.7 për 10 mijë banorë. Në vitin 1990, Shqipëria kishte 13.7 mjekë për 10 mijë banorë, por treguesi u përkeqësua deri në vitin 2016 kur numëroheshin 12.3 mjekë për 10 mijë banorë, si rrjedhojë e emigrimit të lartë në këtë profesion dhe investimeve të dobëta publike në shëndetësi.

Në vitin 2018 treguesi shënoi rritje në 21.5 mjekë për banorë si pasojë e zbatimit të një plani për shtimin e organikës ne entet publike te shëndetësisë dhe nga ana tjetër rënia e popullsisë ka favorizuar përmirësimin e raportit. Mirëpo emigracioni i fortë në këtë grup, sidomos drejt Gjermanisë, e përkeqësoi sërish treguesin përgjatë 2018-2020, i cili arriti në 18.8 mjekë për 10 mijë banorë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43