Oda e Hotelerisë dhe Turizmit në Kosovë propozon që nga 20 gushti, nëse nuk je i vaksinuar të ndalohet hyrja në qendra tregtare apo restorante

Rritja e infektimeve të reja me variantin Delta dhe në anën tjetër skepticizmi ndaj vaksinës anti-COVID, ka detyruar qeverinë e Maqedonisë së Veriut të marrë masa të reja për të pavaksinuarit.

Një shembull të tillë po ndjek edhe Kosova pasi Oda e Hotelerisë dhe Turizmit i ka propozuar Ministrisë së Shëndetësisë që nga data 20 gusht, çdo qytetar që nuk paraqet dëshmi të vaksinimit t’i ndalohet hyrja në qendra tregtare, ahengje familjare si dhe në restorante.

Kjo masë sipas shoqatës do ta shpëtonte këtë sektor nga mbyllja dhe sipas tij, është e vetmja zgjidhje për të mos pasur humbje ekonomike, të cilat nuk mund të mbulohen nga shteti.

Nga vendet e Rajonit, Maqedonia e Veriut është e para që ka marrë një masë të tillë dhe duke filluar nga data 16 gusht qytetarët nuk do të kenë mundësi të ulen për kafe apo drekë nëse nuk janë të vaksinuar. Selektimi i klienteles nëpër objektet gastronomike është një nga masat e qeverisë që të stimuloj imunizimin e popullsisë por edhe të ruaj përhapjen e variantit delta.

Ndërkohë masa të ngjashme janë marrë më parë nga Italia, Franca, Danimarka, Greqia, Belgjika dhe Gjermania.

TAG:
• kosova
• kosova
• kosova
• kosova
• Koronavirus
• Vaksina Covid