POP 5

Lajmet më të lexuara të 5 minutave të fundit

Kronikë

OFL, siguria shtyn afatin kohor për hetimet në SPAK, Hodaj: Nuk shkelet Kodi i Procedurës Penale (VIDEO)

Pas përfundimit të OFL në 31 dhjetor 2020 me dërgimin e formularëve për deklarimin e pasurisë, Komisioni i Sigurisë miratoi shtyrjen e afatit kohor për SPAK dhe GJKKO, lidhur me konfiskimin ose jo të pronave të sekuestruara. Zëvendësministri i Brendshëm Hodaj bëri një bilanc të OFL, ndërsa iu përgjigj shqetësimit të deputetëve nëse kjo shtyrje shkel ose jo Kodin e Procedurës Penale.

Komisioni i Sigurisë Kombëtare miratoi propozimin e Ministrisë së Brendshme, për shtyrjen e afatit kohor për SPAK dhe GJKKO, lidhur me konfiskimin ose jo të pronave të sekuestruara nga Operacioni Forca e Ligjit.

Deputetët ngritën shqetësimin për zvarritjen e çështjeve apo shkeljen e Kodit të Procedurës Penale, ndërsa më tej zëvendësministri i Brendshëm, Julian Hodaj shtoi se një gjë e tillë nuk ndodh, pavarësisht se afatet nuk mund të parashikohen.

Ndryshimi i miratuar dhe që pritet të kalojë në seancën e së enjtes në Kuvend synon vazhdimin e shqyrtimit të kërkesave që OFL u ka çuar Prokurorisë dhe Gjykatës deri në një vendim të formës së prerë.

Sipas të dhënave, OFL ka përfunduar procesin e verifikimit për 515 subjekte. 243 janë dërguar në SPAK, ndërsa 272 të tjera janë arkivuar.

160 raste për 183 subjekte janë në duart e SPAK për 1970 pasuri në total. 19 llogari bankare janë referuar në ndërsa është kërkuar sekuestrimi i një organizate jofitimprurëse.

83 raste emergjente janë referuar ndërsa janë depozituar 19 kërkesa për masa parandaluese personale. 105 raste janë gjykuar të vlefshme nga Gjykata, e cila ka konfirmuar sekuestron, ndërsa pjesa tjetër është në proces.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06