OFL u kërkon justikimin e pasurisë 4 të dënuarve për vjedhje e trafik narkotikësh

OFL u ka dërguar ditën e sotme formularin e vetëdeklarimit të pasurisë 4 persona, të dënuar për vjedhje me dhunë dhe trafikim të lëndëve narkotike.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

Mino Zotaj ,banues në Tiranë, i dënuar për veprën penale “Vjedhja me dhunë, e kryer në bashkëpunim”;

Luan Ibro, banues në Tiranë, i dënuar për kryerjen e veprës penale “Vjedhja me dhunë”;

Flamur Xeka, banues në Kurbin, i dënuar për kryerjen e veprës penale “Trafikimi i narkotikëve”;

Gjon Kola, banues në Lezhë, i dënuar për kryerjen e veprës penale “Trafikimi i narkotikëve”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

TAG:
• vjedhje
• Trafik narkotikësh
• ofl
• Mino Zotaj
• Luan Ibro
• Flamur Xeka
• Gjon Kola