POP 5

Lajmet më të lexuara të 5 minutave të fundit

Kronikë

OFL 'zbret' në Elbasan, dy të dënuar në Angli për trafik droge duhet të justifikojnë pasuritë (VIDEO)

Operacioni Forca e Ligjit ka 'mbërritur' sot në Elbasan. Ajo i ka dërguar formularin për deklarimin e pasurisë dy personave të dënuar në Angli për trafik droge. Ata do të duhet të dorëzojnë brenda 48 orëve pranë OFL-së auto-deklaratën me pasuritë e tyre

TIRANE- Operacioni Forca e Ligjit ka 'mbërritur' në Elbasan, ku dy persona me origjinë nga ky qytet, të dënuar për trafik droge në Angli, duhet të justifikojnë pasuritë, nëse i kanë me burime të ligjshme ose jo. 

OFL i ka dërguar këtë të premte kërkesën me shkrim për dorëzimin e formularit për deklarimin e pasurisë Emiljan Shega dhe Klaus Matishi (Kledian Çopja).

Ata do të duhet të dorëzojnë brenda 48 orëve pranë OFL-së auto-deklaratën me pasuritë e tyre.

"Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme", tha zëdhënësja e OFL-së në një deklaratë për mediat nga Policia e Shtetit.

Klodjan Çopja dhe Emilian Shega

Rendit zhvillimet sipas orarit:
Ora 12:01
OFL i dërgoi formularin e pasurisë, Emiljano Shega u arrestua 10 vite më parë pasi fshehu 10 milion paund lëndë narkotike nën qilim

1581677465_emiljanoshega.jpg

Emiljan Shega të cilit Operacioni Forca e Ligjit i dërgoi sot formularin e pasurisë është arrestuar 10 vite më parë si pjesë e një grupi kriminal që trafikoi drejt Mbretërisë së Bashkuar lëndë narkotike me vlerë 10 milion paund. Gjatë aksionit të policisë, droga u gjet e fshehur nën parketin e dyshemesë, të mbuluar me qilimë, mbi të cilët ishte vendosur edhe një divan. Asokohe Shega u dënua me 10 vite burg nga autoritetet britanike.

Ora 11:57
OFL i dërgoi formularin e pasurisë, Klodian Çopja i dënuar në Angli si kreu i bandës që trafikoi kokainë me vlerë 60 mln £

1581677908_copja.jpg

Klodjan Çopja, të cilit të cilit OFL i dërgoi formularin për deklarimin e pasurisë është dënuar në Angli më 4 gusht të vitit 2017 me 17 vite burg pasi akuzohet se drejtonte një rrjet të trafikut të kokainës. Sipas mediave britanike, Çopja akuzohej për importimin e një sasie kokaine me vlerë 60 milionë paund drejt Mbretërisë së Bashkuar. Ai u arrestua në Greqi në Mars të vitit 2017, për t'u ekstraduar drejt Mbretërisë së Bashkuar.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 14/02/2020 22:34

    Meqe dhe po shkojn kto klani suelit me klanin shega po ndimoshin dhe ps bashk urdhero ca i bani taulanti.ta gezojn ofl

    Përgjigju
  • Alban: 14/02/2020 11:27

    Perse nuk publikohen emrat???

    Përgjigju
    • Toni Tirane: 14/02/2020 14:13

      Ja emrat o @alban Emiljano Shega u arrestua 10 vite më parë pasi fshehu 10 milion paund lëndë narkotike nën qilim Klodian Çopja i dënuar në Angli si kreu i bandës që trafikoi kokainë me vlerë 60 mln £ Keta jane krimele qe duhen konfiskuar pasuria dhe leket

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46