POP 5

Lajmet më të lexuara të 5 minutave të fundit

Kronikë

OFL godet sërish në Tiranë, i kërkon të justifikojnë pasurinë mikut të Shullazit dhe anëtarit të bandës së Shijakut (VIDEO)

Operacioni Forca e Ligjit i dërgon kërkesën për të dorëzuar vetëdeklarim për pasuritë e tyre dy personave të tjerë, të dënuar nga gjykata, njëri për trafik droge, tjetri për kanosje. Ata janë Pajtim Serjani i dënuar për gjobëvënie me tre vite si dhe Orges Jahelezit, i dënuar për trafik droge, si pjesë e grupit të Shijakut.

TIRANE- Operacioni "Forca e Ligjit" i dërgon kërkesën për të dorëzuar vetëdeklarim për pasuritë e tyre dy personave të tjerë, të dënuar nga gjykata, njëri për trafik droge, tjetri për kanosje. Ata janë Pajtim Serjani i dënuar për “Shtrëngimi me anë të kanosjes ose dhunës për dhënien e pasurisë” me tre vite si dhe Orges Jahelezit, i dënuar për trafik droge në bashkëpunim, si pjesë e grupit të Shijakut.

Serjani dhe Jahelezi do të duhet të dorëzojnë brenda 48 orëve pranë OFL-së auto-deklaratën me pasuritë e tyre janë:

"Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme", tha zëdhënësja e OFL-së në një deklaratë për mediat nga Policia e Shtetit.

Rendit zhvillimet sipas orarit:
Ora 11:40
OFL i kërkoi të justifikojë pasurinë/ Orges Jahelezi pjesë e grupit të Shijakut, mes të arrestuarve për laboratorin e drogës në Has

1581590585_orgess.jpg

Orges Jahelezi të cilit OFL i kërkoi sot të justifikojë pasurinë, njihet si anëtar i grupit të Shijakut i cili u arrestua gjatë operacionit “VOL-VO 4” pas zbulimit të laboratorit të drogës në Has. Grupi kriminal trafikonte kokainën në Gjermani dhe disa vende të Europës. Grupi i Shijakut drejtohej nga Astrit Avdyli, ndërsa në pranga asokohe u vunë edhe vëllezërit e tij dhe disa anëtarë të bandës. Gjatë operacionit u godit laboratori i heroinës në fshatin Brenog të Hasit dhe si dhe u sekuestruan pajisjet që shërbenin për përpunimin dhe presimin për ta trafikuar më pas në vendet e BE-së. Një pjesë e lëndës narkotike ishte paketuar gati për trafik. Ai është hetuar nga dosja 339.

Ora 11:22
OFL i kërkoi të justifikojë pasurinë/ Kush është Pajtim Serjani? Mik me Shullazin! Në 2015 i shpëtoi atentatit tek Rruga e Kavajës

Pajtim Serjani të cilit OFL i kërkoi sot të justifikojë pasurinë, është një emër i njohur për policinë e Tiranës, pasi është arrestuar dhe dënuar për gjobëvënie me tre vite, ndërsa aktualisht është i lirë, pasi e ka përfunduar dënimin. Serjani u dënua për gjobëvënie ndaj një biznesmeni në vitin 2014. Në vitin 2015 Serjanit i është bërë atentat të Rruga e Kavajës, ndërsa lidhur me këtë ngjarje asokohe u arrestuan Aurel dhe Amarildo Hoxhallari.

Serjani lëvizte në Tiranë me makina të blinduara ndërkohë që njihet si miku i Emiljano Shullazit. Në shtator 2017 policia i sekestroi Serjanit katër makina të blinduara më vlerë 1 milion euro. Tre prej makinave rezultuan të trafikuara nga vendet e BE, njëra prej të cilave me targa të falsifikuara.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ani: 13/02/2020 11:32

    Ta mbaj PS me shendet ky se la lesht mbas PS se

    Përgjigju
    • Vvvvppp: 13/02/2020 18:09

      I la per p e satome hahaha kush si pse kur po mjjaft o njerez mjaft

    • Per ty ani: 13/02/2020 17:29

      Kush la lesht pas ps o ani? Dhe perse i la lesht?

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit

Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit

23 Dhjetor, 08:46