OKB thirrje për mbledhjen e fondit prej rreth 400 milionë dollarësh në ndihmë të sirianëve të prekur nga tërmeti

Kombet e Bashkuara bënë thirrje për shumë prej 397 milionë dollarësh me qëllim për të ndihmuar viktimat e tërmetit në Siri, ku fatkeqësia ka vrarë mijëra njerëz dhe ka lënë miliona të tjerë në nevojë të dëshpëruar për ndihmë.

Sekretari i Përgjithshëm Antonio Guterres, duke njoftuar apelin në selinë e OKB-së në Nju Jork, tha se fondet do të sillnin lehtësim për gati pesë milionë sirianë dhe do të mbulonin një periudhë prej tre muajsh.

Ai shtoi se organi botëror ishte në "fazat përfundimtare" të një apeli të ngjashëm për Turqinë.

“Një javë pas tërmeteve shkatërruese, miliona njerëz në të gjithë rajonin po luftojnë për mbijetesë, të pastrehë dhe në temperatura të ulëta. Ne po bëjmë gjithçka që mundemi për ta ndryshuar këtë. Por nevojitet shumë më tepër”, u lut Guterres.

Lajmi kryesor:

Tërmetet tragjike në Turqi e Siri, mbi 41 mijë të vdekur! OKB kërkon rreth 400 milionë dollarë ndihmë për sirianët

B.V/Shqiptarja.com

TAG:
• Siri
• termet i fuqishem ne turqi