OKB: Raketat godasin një shkollë në Gaza, strehoheshin mbi 225 persona (VIDEO)

Një shkollë në Rripin e Gazës ku 225 njerëz ishin strehuar nga sulmet, është goditur drejtpërdrejt. Kështu tha në një deklaratë të dielën agjencia e refugjatëve palestineze e OKB-së. Askush nuk u lëndua, por ndërtesa u dëmtua ndjeshëm, tha Agjencia e OKB-së për Ndihmë dhe Punë (UNRWA).

“Shkollat ​​dhe infrastruktura tjetër civile, përfshirë ato që strehojnë familjet e zhvendosura, nuk duhet të sulmohen kurrë”, tha UNRWA në një deklaratë, raporton agjencia e lajmeve amerikane PBS.

LEXO EDHE:
Irani paralajmëron se do t’i kundërpërgjigjet Izraelit nëse sulmon Libanin

Agjencia e OKB-së për refugjatët palestinezë thotë se 74 mijë njerëz në Rripin e Gazës janë strehuar në dhjetëra shkolla të saj pas thirrjeve nga Izraeli që banorët e zonave kufitare të evakuohen. Numri i të zhvendosurve u rrit me gati 50,000 brenda natës, kur rreth 20 mijë u zhvendosën për herë të parë në shkollat ​​e drejtuara nga OKB.

 

Lajmi kryesor:

Izraeli shpall gjendjen e luftës, e drejton Netanyahu! 700 të vrarë! SHBA i dërgon luftanije! Avionët bombardojnë Gazën, tanket në kufi! Amerikanë e gjermanë mes pengjeve të Hamasit

S.S/r.k./Shqiptarja.com

TAG:
• sulmohet izraeli