Pas rekomandimit të Komisionit Evropian për t’ua dhënë statusin e kandidatit Ukrainës dhe Moldavisë, këto dy shtete e kanë tejkaluar formalisht Bosnje-Hercegovinën në procesin e zgjerimit, ndonëse ky shtet ka aplikuar qysh më 2016.
Për dallim nga Bosnja, Kosova as nuk ka aplikuar ndonjëherë për anëtarësim.
Sipas burimeve diplomatike në BE, zyrtarët e bllokut kanë pasur mjaft diskutime rreth asaj sesi do të kuptohet në Ballkanin Perëndimor dhënia kaq e shpejtë e rekomandimit për Ukrainën dhe Moldavinë, ndërkohë që vendet e rajonit presin me vite dhe procesi ec ngadalë apo fare.
Edhe në një konferencë për media të presidentes së Komisionit Evropian, Ursula von der Leyen dhe Komisionarit për Zgjerim dhe Fqinjësi, Oliver Varhelyi, zyrtarët janë pyetur lidhur me Ballkanin Perëndimor.
Në pyetjen se pse nuk është shfrytëzuar rasti për të rekomanduar statusin e kandidatit edhe për Bosnje e Hercegovinën, Varhelyi ka thënë se ky shtet e ka “rrugën e vet”.
“Bosnja e Hercegovina po ndjek procesin e vet në këtë rrugë dhe ka 14 kushte që duhet plotësuar. Po e presim këtë shtet që të lëvizë në përmbushjen e këtyre kritereve”, ka thënë ai.
Ai është pyetur edhe nëse do të ndryshohet korniza negociuese e BE-së për negociatat e anëtarësimit me Maqedoninë e Veriut, siç po kërkon Bullgaria.
“Nuk jam në dijeni për asnjë kornizë negociuese, por jam në dijeni për një bllokim të plotë në Sofje. Në këtë moment nuk mund të flasim për asnjë kornizë negociuese”, është përgjigjur Varhelyi.
Bullgaria vazhdon ta pengojë vendimin e Këshillit të BE-së për të miratuar kornizën negociuese pa të cilën nuk mund të hapen negociatat e anëtarësimit, për shkak të kontestit që ka të bëjë me gjuhën dhe të kaluarën historike.
Maqedonia e Veriut ka aplikuar për anëtarësim në BE 18 vjet më parë.
Zyrtarët janë pyetur edhe për mundësinë e nisjes së negociatave me Ukrainën dhe Moldavinë para se të nisin me Shqipërinë dhe Maqedoninë e Veriut, ndonëse këto dy të fundit i kanë përmbushur të gjitha kriteret.
“Shpresojmë se Maqedonia e Veriut dhe Shqipëria të kenë konferencën e parë ndërqeveritare (ku nisen negociatat e anëtarësimit) dhe të mos ketë vonesa të reja. Po flasim për ditë e jo muaj”, ka thënë mes tjerash Komisionari i BE-së./REL
Lajme të tjera
-
Hapet gara për ndërtimin e hekurudhës Hani i Hotit-Vorë, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
Sot samiti BE-Ballkani Perëndimor në Bruksel, në fokus forcimi i partneritetit dhe rrugëtimi europian (AXHENDA)
18 Dhjetor, 07:48 -
BE nis hetimin ndaj TikTok pas dyshimeve për ndërhyrje në zgjedhjet rumune
17 Dhjetor, 17:56 -
BE i kërkon Kosovës kthimin e serbëve në institucione, masat hiqen kur të ndërmerren hapa për uljen e tensioneve në Veri
17 Dhjetor, 17:07 -
Kosova dhe Serbia pajtohen për zbatim të plotë të deklaratës për personat e zhdukur
17 Dhjetor, 16:30 -
Meta gjobitet me 251 milionë euro nga Brukseli
17 Dhjetor, 16:12 -
BE nis hetimet për TikTok dhe zgjedhjet në Rumani
17 Dhjetor, 15:28 -
Këshilli i BE-së miraton konkluzionet për Shqipërinë: SPAK po godet korrupsionin! Zbatoni vendimet e Kushtetueses dhe rekomandimet e OSBE/ODIHR e 'Venecias'
17 Dhjetor, 14:27
-
Çelja e grupkapitullit 6, ambasadori Gonzato: Një tjetër hap i rëndësishëm drejt anëtarësimit në BE, i qëndrojmë pranë Shqipërisë
17 Dhjetor, 13:40 -
Ylli Pata: Revolucioni hungarez i BE që 'shpëtoi' Shqipërinë, por jo vetëm
17 Dhjetor, 08:29
-
Shqipëria çel negociatat me BE-në për ‘Marrëdhëniet me Jashtë’! Ministri Hungarez: Treguat proges të shkëlqyer! Rama: S'ka kapitull të lehtë, as kthim pas
17 Dhjetor, 07:23
