TIRANË – Ministri Sokol Olldashi publikoi disa prej emrave potencialë për kandidatë për president brenda PD. I ftuar në emisionin “Top Story” nga Sokol Balla, deputeti Olldashi vlerësoi se emri do të dalë nga kryesia e kësaj partie dhe disa prej tyre janë Jozefina Topalli, Ridvan Bode apo Fatos Beja.
“Bode ministry ynë më i mirë, më i miri i qeverisë. Topalli është kryetarja më e mirë që kemi patur. Ajo është një individ politik më i fortë se Arbnori. Ajo i ka dhënë Kuvendit dimensione që nuk i ka patur”, tha Olldashi.
Ai ka shprehur kundërshti të plotë për një kandidim të mundshëm të Fatos Nanos, duke mohuar se ai mund të jetë emri i mundshëm i propozuar apo i mbështetur nga demokratët.

(aq/shqiptarja.com)