Shfaqja e fundit e artistëve të Teatrit Kombëtar të Operës dhe Baletit, edhe për këtë vit është “Le të vallëzojmë”. Koreografi Renato Zanella sjell grand galanë vjeneze nën dirigjimin e Ernst Theis në bashkëpunim me Ambasadën e Austrisë. Drejtoresha Zana Çela në një prezantim për mediet bën apel për më shumë bashkëpunim dhe dashuri mes njerëzve, prandaj edhe këto të ardhura do të shkojnë për të prekurit nga tërmeti i datës 26 nëntor që përshkroi vendin tonë, si një mesazh shprese për ta
“Është bërë traditë tashmë, përgjatë gjithë historisë së tij, që teatri i Operës koncertin e fundit të tij, ia dedikon publikut si mesazhin e tij dhuratë për ta. Në mënyrë të veçantë vjen edhe si një mesazh optimist për jetën, dashurinë që duhet të kemi për njëri-tjetrin. Por edhe ndihmën që ne i japim njëri-tjetrit për të ndërtuar edhe rindërtuar jetën. Të ardhurat e këtij koncerti do të shkojnë në shërbim të familjeve të dëmtuara nga tërmeti, për të rindërtuar jetët e tyre”, shprehet Zana Çela.
Ndërsa, regjisori edhe dirigjenti ndalen më shumë tek repertori që do të ngjitin në skenë, ku as kësaj here nuk do të mungojnë urveturë nga Johan Strauss II, Emmerich Kalman edhe shumë vepra të tjera, nën interpretimin e Dorina Selimajt, Armando Likajt, Renisa Lackas, Nina Muhos, Xhieldo Hysenit, Vikena Kamenica, Eva Golemit, Dion Gjinikës, solistëve, orkestrës dhe trupës së korit edhe të baletit të Teatrit Kombëtar të Operës dhe Baletit
“Shansi që me jepet mua për të ardhur sërisht, është një mundësi shumë e mirë për të forcuar bashkëpunim, por edhe për të forcuar punën tonë. Të gjitha pjesët koreografike që do të prezantohen kësaj here janë pjesë të reja, të cilat edhe unë i ngjit për herë të parë në skenë”, thotë regjisori Renato Zanella.
Edhe për dirigjentin Ernst Theis, “Valsi është një nga kërcimet më tradicionale që ka bërë bashkë të gjithë popullin. Ky është edhe mesazhi që duam të përçojmë, të gëzojmë, të festojmë edhe të shikojmë përpara”.
Grand Gala Vjeneze do të ngjitet në skenën e Pallatit të Kongreseve në datë 28 dhjetor, ora 19.00.
Lajme të tjera
-
‘Marie Kraja’ 20 vjet festival, 2 net spektakli në Opera me 16 zëra të rinj! Nga Elhaida Dani tek Eneda Tarifa, në duete emra të njohur të muzikës
26 Mars, 16:14
-
‘Triptiku’/ Gëzim Myshketa pas 10 vitesh në ‘Opera’ si ‘Gianni Schicchi’! Eva Golemi përlotet në rolin e ‘Suor Angelica-s’! 3 veprat e Puçinit ngrenë publikun në këmbë!
1 Mars, 17:28
-
‘Hir Krishtlindjesh’ mes ikonave të shenjtëve në Muze! Yllka Mujo uron shqiptarët pas mbrëmjes me poezi e tinguj: U bashkuan vargjet e poetëve me të shpirtit
27 Dhjetor 2023, 16:23
-
Nënshkruhet memorandumi i bashkëpunimit mes Agjencisë Kombëtare të Turizmit të Shqipërisë dhe Zvicrës! Promovohen projektet e përbashkëta
9 Maj 2023, 16:06 -
7 muaj pasi u largua nga TKOB, Zana Çela emërohet drejtoreshë në Agjencië Kombëtare të Turizmit! Kumbaro: Koordinim të kalendarit turistik me atë kulturor
9 Shkurt 2023, 15:55 -
Vikena Kamenica koncert për festat e fundvitit në Korçë, artistja rikthehet pas dy vitesh shkëputje
25 Dhjetor 2022, 19:39
-
Ikën Zana Çela, në krye të TKOB-së violinistja Abigeila Voshtina, të cilën artistët e donin të shkarkuar
22 Qershor 2022, 16:31 -
Gara për drejtimin e Teatrit të Operas dhe Baletit, jo vetëm Gjipali dhe Çela, edhe 4 artistët e tjerë kandidojnë! Primabalerina Adela Muçollari ndër pretendetët
22 Prill 2022, 11:03 -
Në 2016-ën Rama nuk zgjodhi emrin e tij, tenori i njohur Josif Gjipali sërish përballë Zana Çelës në garën për drejtor të 'Operas'
20 Prill 2022, 22:10 -
Zana Çela dorëzon dosjen për të rikandiduar si drejtore e “Operas”, Ministria e Kulturës shtyn aplikimin për të interesuarit deri në 6 maj
20 Prill 2022, 11:08 -
'Në pritje të premtimit të Ramës', Zana Çela: Do rikandidoj për kreun e Operas! Ministria e Kulturës s’më është përgjigjur, rikonstruksioni projekt i saj, s’kam përgjegjësi për shkeljet
12 Prill 2022, 16:33
-
Ministria e Kulturës kërkon drejtor të ri për 'Operan', Zana Çela në ikje pas mandatit që u tejzgjat për afro 6 vjet
29 Mars 2022, 16:28
