Tirane- Forcat e Antidrogës së Tiranës ekzekutuan sot fazën e dytë të megaoperacionit të koduar “Tempulli 3’ duke arrestuar 19 person si dhe vijon puna për kapjen e 5 shtetasve të tjerë të cilët ndiqen me masa kërkimi.
Drejtori i policisë së Tiranës, Tonin Vocaj doli në një deklaratë për median për të bërë publike rezultatet e hetimit tre mujor kryer me metoda speciale falë të cilit është dokumentuar me prova ligjore veprimtaria kriminale e këtyre shtetasve që shpërndanin lëndë narkotike kanabis, heroinë dhe kokainë, në zona të ndryshme të Tiranës, afër shkollave, si dhe në lokale nate.
Mes të arrestuarve është Armando Xheladini, alias Jetnor Cinallari, alias, Armando Tarushllari i arrestuar në maj të këtij viti për vrasje me dashje për një vrasje të ndodhur në Greqi. Ai u arrestua së bashku me Gëzim Latjen për vrasjen e 25-vjeçarit Arjan Xhambazi në Athinë në vitin 2008. Gazetari i Shqiptarja.com dhe Report Tv Sokol Dema siguroi foton e 52 vjeçarit banues në Tiranë i cili ndodhet prapa hekurave prej majit 2024.
"Mbi bazën e provave të siguruara gjatë hetimit, u organizua dhe u finalizua faza e dytë e operacionit “Tempulli 3”, në kuadër të të cilit u ekzekutua masa e sigurisë “Arrest në burg”, të dhënë nga Gjykata e Shkallës së Parë e Juridiksionit të Përgjithshëm Tiranë për 19 shtetas, si dhe vijon puna për kapjen e 5 shtetasve të tjerë të cilët ndiqen me masa kërkimi. Nga hetimet ka rezultuar se këta shtetas shpërndanin lëndë narkotike, afër shkollave, dhe në ambiente të tjera të frekuentuara nga të rinjtë, në zona të ndryshme të Tiranës.' tha sit Vocaj.
Gjatë operacionit janë sekuestruar 1.2 kg kokainë si dhe qindra doza heroinë e kanabis.
Gazetari i Shqiptarja.com dhe Report Tv, Sokol Dema zbardhi emrat e të arrestuarve, mes tyre janë dhe 2 vajza. Ndaj tyre Gjykata e Shkallës së Parë e Juridiksionit të Përgjithshëm Tiranë ka caktuar masën e sigurimit personal “Arrest në burg”, për veprën penale “Prodhimi dhe shitja e narkotikëve”.
Ndërkohë policia ka publikuar pamjet e operacionit të arrestimit.
2- Kevi Hida, 26 vjeç
3- Durim Kurti, 39 vjeç
4- Orterio Vila, 21 vjeç
5- Hamza Firi, 20 vjeç
6- Florjan Gjuta, 32 vjeç
7- Vasjan Xhaferllari, 42 vjeç
8- Osman Idrizi, 62 vjeç
9- Ledio Koçi, 26 vjeç
10- Mariglen Kushe, 32 vjeç
11- Kevin Hoxha, 24 vjeç
12- Rezart Maqellara, 25 vjeç, me detyrë shofer në Shërbimet Mbështetëse në Kontrollin e Lartë të Shtetit.
13- Matias Selmani, 18 vjeç
14- Ramazan Shima, 33 vjeç
15- Denis Guci, 21 vjeç
16- Rudina Dajlani (Sopoti), 52 vjeçe,
17- Elvira Bushaj, 37 vjeçe
18- Ardi Shehu, 33 vjeç,
19- Brisea Kallushi 34 vjeçe earrestuar më parë gjatë zhvillimit të hetimeve
Një pjesë e të arrestuarve, mund të kenë lidhje edhe me të tjerë, tashmë në pranga në kuadër të operacionit “Tempulli 1 dhe 2”, por që në këtë drejtim blutë po punojnë për dokumentimin e plotë të veprimtarisë kriminale. Nuk përjashtohet mundësia që të ketë edhe të tjerë të përfshirë. Celularët e sekuestruar gjatë aksionit policor pritet të hedhin dritë në të tjera detaje për policinë
- qindra doza të lëndëve të dyshuara narkotike heroinë dhe kanabis;
- 12 celularë;
- 5 automjete;
- shuma të konsiderueshme parash në lekë dhe valuta të tjera, të dyshuara të përfituara nga shitja e lëndëve narkotike.
Hetimet për dy procedimet e fazës së dytë të megaoperacionit “Tempulli 3” u kryen nga prokurorët e Tiranës, Drini Pali dhe Adriano Dyrmishi, ndërsa u drejtuan nga kreu i Prokurorisë pranë Gjykatës së Shkallës së Parë të Juridiksionit të Përgjithshëm Tiranë Arens Cela.
Foto: Armando Xheladini
Një nga personat ndaj të cilit është firmosur 'arrest me burg' në kuadër të operacionit të koduar “Tempulli 3’ Ishte dhe Armando Xheladini. Gazetari Sokol Dema siguroi foton e tij.
52 vjeçari i njohur me dhe me 2 emra të tjerë, si Armando Tarushllari e Jetnor Cinellari u arrestua në maj policia e Koçës në bashkëpunim me autoritetet greke pasi akuzohet për vrasjen me dashje të 25 -vjeçarit Arjan Xhambazi në Athinë në vitin 2008.
Atëherë mbeti i vrarë Xhambazi dhe u plagos një tjetër dhe për këtë ngjarje autoritetet greke mundën të identifikonin dhe ndalonin vetëm njërin prej tre autorëve të dyshuar të ngjarjes.
Në maj me urdhër të prokurorisë së Korcës u ndalua Gëzim Latja banues në Elbasan dhe të Armando Tarushllari, banues në Tiranë.
Gëzim Latja, 41 vjeç dhe Armando Tarushllari (Jetnor Cinellari) 52 vjeç, janë arrestuar nga policia e Koçës në bashkëpunim me autoritetet greke si bashkëautorë të vrasjes së 25-vjeçarit Arjan Xhambazi në Athinë në vitin 2008
Komente
Lajme të tjera
-
Informaliteti i pagave, Tatimet aksion në 1197 biznese në të gjithë vendin: 936 i korrigjuan, 6,1 mln lekë gjoba të vendosura, kontrollet do vijojnë!
26 Dhjetor, 20:35 -
Dosja 5D, SPAK mbyll hetimet dhe dërgon për gjykim ish-drejtorët e Bashkisë Tiranë! Kompania gjatë 2016-2022 fitoi 12 tendera dhe përfitoi rreth 2 mlionë euro
26 Dhjetor, 15:36 -
Tiranë, përplasi me makinë policin e Patrullës që ishte në shërbim, arrestohet 21 vjeçari
26 Dhjetor, 13:25 -
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, Veliaj 5 orë në SPAK! Burime: U kërkoi prokurorëve të thërrasin për deklarim edhe Nesti Angonin, denoncuesin që s'ekziston (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
U arrestua ne Maj per vrasje dhe ne Korrik livadhis i lire! A e keni marre infon.e sakte qe eshte arrestuar per vrasje njeriu,se nga lirimi pas dy muajsh duket sikur ka vrare pa dashje nje pule,jo njeri ?!
Përgjigju