SHKODËR- Një operacion anti-drogë është zhvilluar në Shkodër, ku janë asgjësuar 12 831 bimë narkotike cannabis sativa. Forca të shumta efektivësh u angazhuan në operacion, po ashtu edhe FNSH dhe RENEA, të cilët kanë bërë ndërhyrje edhe nga ajri për shkak të terrenit të vështirë.
Konkretisht, 500 efektivë të policisë dhe FNSH dhe 50 forca RENEA u angazhuan duke goditur mijëra rrënjë kanabis, në zonat e thella në malësinë e Shkodrës. Autorët e kultivimit të bimëve narkotike janë ende të paidentifikuar.
Policia ka ndarë edhe videon e operacionit nga toka dhe ajri, ku duken edhe forcat RENEA që zbresin nga helikopteri ushtarak dhe efektivët që ndërhyrjnë nga toka, të veshur me jelekë antiplumbë dhe snajper.
Në fshatin Palaj u asgjësuan 2220 bimë narkotike cannabis sativa. Ndërkohë, në Mnelë, Shllak, Temal, Vilzë, Prekal, Ura e Shtrenjtë, Kir dhe Ana e Malit u asgjësuan 10 611 bimë narkotike.
Ministri i Brendshëm, Taulant Balla ka përshëndetur operacionin duke thënë se janë asgjësuar mijëra bimë narkotike.
“Policia e Shtetit sapo ka përfunduar një operacion tepër të vështirë nga toka dhe ajri në disa zona malore të Shkodrës, për asgjësimin e mijëra rrënjë kanabis dhe identifikimin e personave të përfshirë në këtë veprimtari kriminale”, shkruan Balla.
Ministri ka dhënë edhe disa shifra, ku thotë se deri më tani, në shkallë vendi janë asgjësuar 289.357 bimë narkotike, janë identifikuar 202 autorë, nga të cilët 111 të arrestuar, 63 në kërkim, 29 me masë tjetër sigurie. Si edhe janë vënë në hetim për shpërdorim detyre dhe moskallëzim krimi 114 persona.
Policia e Shkodrës ka reaguar për operacionin anti-kanabis që është zhvilluar në disa zona malore. Policia thotë se janë asgjësuar 12 831 bimë narkotike cannabis sativa.
Në këtë operacion, nga ajri u angazhuan 50 efektivë të repartit “RENEA” dhe nga toka, 500 efektivë të DVP Shkodër, të komisariateve në varësi të saj dhe të FNSH-ve Tiranë dhe Fier.
“Shkodër/Megaoperacion nga ajri dhe nga toka, për asgjësimin e bimëve narkotike të kultivuara në zona të thella malore të qarkut Shkodër.
Finalizohet në kushte të vështira terreni dhe në shkallë të lartë rrezikshmërie për jetën e punonjësve të Policisë, megaoperacioni policor i koduar “Fly”.
Asgjësohen në total, nëpërmjet djegies, 12 831 bimë narkotike cannabis sativa.
Megaoperacioni u zhvillua nga Drejtoria Vendore e Policisë Shkodër, në bashkëpunim me Repartin Special “RENEA” dhe me FNSH-të Tiranë dhe Fier.
Në këtë megaoperacion, nga ajri u angazhuan 50 efektivë të repartit “RENEA” dhe nga toka, 500 efektivë të DVP Shkodër, të komisariateve në varësi të saj dhe të FNSH-ve Tiranë dhe Fier.
Efektivët e repartit “RENEA” janë transportuar me helikopter, pasi bimët e kultivuara ishin në një terren shumë të thellë malor dhe me rrezikshmëri të lartë për jetën e punonjësve të Policisë.
-Gjatë megaoperacionit, nga ajri, morën pjesë efektivët e repartit “RENEA”dhe grupe hetimore. Efektivët e RENEA-s, me anë të helikopterit, mundën të mbërrinin në vende të ndryshme, në territorin e fshatit Palaj, njësia administrative Shosh, ku ishin kultivuar bimë narkotike cannabis sativa. Nga këto zona, Policia asgjësoi nëpërmjet djegies, 2220 bimë narkotike cannabis sativa.
-Në vijim, gjatë këtij megaoperacioni, nga toka, shërbimet e DVP Shkodër, të komisariateve të Policisë në varësi të saj dhe të FNSH-ve Tiranë dhe Fier, nga terrene të vështira malore në Mnelë, Shllak, Temal, Vilzë, Prekal, Ura e Shtrenjtë, Kir dhe Ana e Malit, asgjësuan 10 611 bimë narkotike cannabis sativa.
Strukturat hetimore të DVP Shkodër dhe të komisariateve në varësi të saj, në bashkëpunim me Prokurorinë, vijojnë punën për identifikimin dhe arrestimin e autorëve të kultivimit të bimëve narkotike, të asgjësuara gjatë megaperacionit “Fly”, njofton policia.
Këto janë pamjet e një operacioni anti-kanabis të zhvilluar në Shkodër. Forcat RENA kanë ndërhyrë nga ajri dhe nga toka për asgjësimin e bimëve narkotikë në zonat malore të Shkodrës. Ka qenë, ministri i Brendshëm, Taulant Balla që ka ndarë video nga operacioni.
Komente
Lajme të tjera
-
Vota e diasporës/ PD: Edi Rama dhe PS kanë nisur operacionin kriminal për ta manipuluar
16 Nëntor, 18:59 -
‘Jam sakate me zor dal në derë, për hatër të Zotit më ndihmoni!’ Thirrja therëse e Nënë Marës në Pukë! E vetme në varfëri, pa përkujdesje
16 Nëntor, 15:48 -
At Luigj Paliq dhe Dom Gjon Gazulli shpallen martirë të Kishës Katolike me dekret të Papa Franceskut! Mbahet në Shkodër mesha e shenjtë
16 Nëntor, 14:34
-
680 mijë euro po hynin në Shqipëri të fshehura në dyert e makinës, arrestohet në Muriqan 51-vjeçari! Furgoni hyri nga Mali i Zi (EMRI + VIDEO)
15 Nëntor, 11:47 -
Arrestohet në Elbasan Erion Etemaj! Kosova e kërkonte për laboratorin e kanabisit në Pejë, ku u zbuluan 1 ton drogë! Dy ende në kërkim
15 Nëntor, 09:50 -
Reshjet e borës mbulojnë Pukën, rënia e temperaturave pritet të sjell praninë e ngricave
15 Nëntor, 09:32 -
Pamjet me dron/ Magjia e Vermoshit nën vellon e dëborës, Ftesa e Ramës: Shijoni Alpet edhe gjatë dimrit
15 Nëntor, 09:27 -
Reshjet ‘trembin’ Shkodrën, nis pastrimi i kolektorit të Draçinit
14 Nëntor, 15:56 -
Tonin Vocaj ikën nga posti i drejtorit të policisë së Tiranës, letër falenderimi efektivëve: Stabilizuam sigurinë në Krujë! Kultivimi i kanabisit gati inegzistent në Tiranë
14 Nëntor, 14:29 -
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12 -
Videolajm/ Erdhi bora e parë, zbardhet Vermoshi
14 Nëntor, 12:16 -
Dëshmi mesjetare, vihet në punë Sahati i Inglizit në Shkodër
13 Nëntor, 20:43
jane tonet cunat
PërgjigjuKy i RENEAs duket si ata topografet qe bejne matje ne rruge. Ata vendosin kembalecat ne mes te rruges.