POP 5

Lajmet më të lexuara të 5 minutave të fundit

Kronikë

U nisën nga Ekuadori, 2 kontenierë 1 javë në Durrës, dyshohet se kanë kokainë! Ndalohen 3 punonjës të sigurisë së portit

Prej mëse një jave në portin e Durrës janë në vëzhgim dy kontenierë që vinin nga porti i Pireut, Greqi, brenda së cilës dyshohet se është ngarkuar një sasi e konsiderueshme kokaine. Referuar CNN grek, dy kontenierët kishin 45 kg e 801 gr kokainë, por janë lënë të lirë nga autoritetet greke për të shkuar në Durrës për të mësuar se kujt i përkiste kjo sasi droge. Vetëm tre ditë pas mbërritjes në Shqipëri, i janë afruar kontenierëve 3 persona. Personat e ndaluar janë punonjës të sigurisë portuale në Portin e Durrësit.

DURRËS-Policia greke ka zbuluar dy konteinerë që dyshohet se përmbanin kokainë dhe do të niseshin nga Porti i Pireut, Greqi për në portin e Durrësit, Shqipëri. Në një operacion të përbashkët, pala greke ka informuar atë shqiptare, që dy kontenierë brenda së cilëve është gjetur 45 kg e 801 gr kokainë, kanë dalë nga dogana dhe janë nisur drejt Durrësit, ku i ka kërkuar që ta mbanin gjatë gjithë kohës në kontroll, por të lejonin lëvizjen e tyre lirshëm, për të zbuluar se në duart e kujt do të shkonte kjo sasi droge. 

Referuar CNN grek, në datën 14 shtator 2019 dy kontenierët kanë lënë doganën greke dhe kanë mbërritur në Durrës në datën 17 shtator.  Prej një jave, ai ka qenë në vëzhgim nga autoritetet shqiptare, ku në datën 20 shtator, pra vetëm 3 ditë pas mbërritjes në Shqipëri, referuar po mediave greke i janë afruar kontenierit 3 persona, nga ku një është arrestuar dhe dy të tjerë janë identifikuar dhe janë shpallur në kërkim.

Megjithatë lidhur me këtë detaj, ka disa paqartësi. Nga ana tjetër, burime nga Policia e Shtetit, bëjnë me dije se rreth orës 4:00- 4:30 të mëngjesit të 20 shtatorit janë ndaluar 3 punonjës të sigurisë së portit, njëri prej tyre shef i turnit që merrej me kontrollin e kalimit të ngarkesave. Për tre punonjësit burimet shprehen se akuzohen që nuk kanë vepruar duke mos ushtruar kontrollin e saktë ose e kanë lënë qëllimisht, megjithatë vijojnë hetimet, ku pritet të mësohet nëse janë tre personat që flasin mediat greke dhe nëse kanë lidhje me sasinë e drogës.

Kontenieri është nisur nga Ekuadori, i ngarkuar me banane, më pas është ndalur në Portin e Pireut për të mbërritur në Durrës. Operacioni do të finalizohet nesër ku dhe do të hapen dy konteinerët. 

Shkrimi në CNN grek

Rendit zhvillimet sipas orarit:
Ora 18:04
FOTO/ Ky është kontenieri i dyshuar me drogë, që prej një jave ndodhet në portin e Durrësit

Shqiptarja.com ka siguruar foton e kontenierit ku dyshohet se është ngarkuar një sasi droge, e shkrepur në portin e Pireut, Greqi. Ky kontenier është në vëzhgim prej mëse një jave nga autoritetet shqiptare, ku nesër do të finalizohet operacioni dhe do të hapet. Gjithçka ka qenë një operacion i përbashkët mes policisë greke dhe shqiptare, për të mësuar se kujt i përket kjo sasi, ku CNN grek flet për 45 kg e 801 gr kokainë.

B.K./Shqiptarja.com

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • namik: 26/09/2019 17:47

    si eshte emri qe u arestua?

    Përgjigju
    • Durre: 26/09/2019 23:18

      Sajmir tahiri Arben xhafa dhe Olsi rama

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kreu i OBSH-së i shpëton sulmeve të Izraelit në Jemen, ndodhej në aeroportin e Sanas gjatë bombardimit! 2 të vdekur dhe disa të plagosur

Kreu i OBSH-së i shpëton sulmeve të Izraelit në Jemen, ndodhej në aeroportin e Sanas gjatë bombardimit! 2 të vdekur dhe disa të plagosur

26 Dhjetor, 18:31