POP 5

Lajmet më të lexuara të 5 minutave të fundit

Bota

Operacion kundër trafikut të drogës e armëve në disa vende të BE-së, lëshohen 25 urdhër-arreste! Sekuestrohen 3.8 mln euro pasuri

Një operacion i madh anti-drogë po zhvillohet në Itali dhe në vende të tjera të BE-së. Deri tani sipas mediave italiane janë lëshuar 25 urdhër-arreste, të cilët dyshohet se janë të lidhur me krimin e organizuar me qëllim trafikun e drogës e trafik armësh

Operacion kundër trafikut të drogës e armëve në disa vende të BE-së, lëshohen 25 urdhër-arreste! Sekuestrohen 3.8 mln euro pasuri

Një operacion i madh kundër trafikut të drogës e armëve po zhvillohet në Itali dhe në vende të tjera të BE-së. Deri tani sipas mediave italiane janë lëshuar 25 urdhër-arreste, të cilët dyshohet se janë të lidhur me krimin e organizuar me qëllim trafikun e drogës e trafik armësh. 

Mediat italiane kanë zbardhur edhe emrat e 25 të dyshuarve, pjesa me e madhe e të cilëve janë nga Italia.

Gjatë mëngjesit të sotëm është ekzekutuar po ashtu dhe urdhëri i sekuestrimit të pasurisë me vlerë 3.8 milionë euro, ndaj personave të vënë nën masë ndalimi.

Megaoperacioni i autoriteteve italiane, gjermane e belge, po drejtohet nga kryeprokurori i Antimafias së Catanzaro Nicola Grattteri, i kordinuar nga Eurojust dhe me mbështetjen e Europolit.

Hetimet kanë nisur që nga viti 2020 në kujdesin e Ekipit të Përbashkët Hetimor të përbërë nga Njësia e Policisë Ekonomiko-Financiare, policia gjermane, ajo e Belgjikës, Eurojust dhe Europol.

Organizata e dedikuar për trafikun e drogës dhe armëve, e shkatërruar tashme, me një bazë operacionale në provincën e Kozencës, me degë në Gjermani, merrej me importimin e sasive të mëdha të kokainës, heroinës dhe hashashit. 

Arrestimet u kryen në Kalabri, Gjermani dhe Spanjë me ndihmën e mbi 200 hetuesve dhe ndihmën e njësive të Antiterrorizmit, njësisë kundër trafikut të drogës dhe forcave ajrore të Guardia di Finanza. Në Belgjikë autoriteti gjyqësor urdhëroi arrestimin e 9 personave. 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23