POP 5

Lajmet më të lexuara të 5 minutave të fundit

Kronikë

Vlorë/ Droga në parcelat me misër, në pranga babë e bir e bashkëpunëtori i tyre, pezullohen 3 policë! Gjenden rreth 5 mijë rrënjë kanabis

Tre persona në pranga dhe 4 të tjerë nën hetim ka qenë bilanci i operacionit antidrogë në fshatin Bishan të Vlorës ditën e djeshme.

VLORË- Tre persona në pranga dhe 4 të tjerë nën hetim. Ky është bilanci i operacionit antidrogë të ndërmarrë më 11 tetor, në fshatin Bishan të Vlorës.

Rreth 5 mijë bime kanabisi të kultivuara në një parcelë me misër në fshatin Bishan u zbuluan nga policia në një operacion që Report Tv e ndoqi duke sjellë pamje ekskluzive.

Policia thotë se në afërsi të parcelës, u zbulua edhe një magazinë e përshtatur për tharjen e kanabisit ku u sekuestruan 198 kilogramë lëndë narkotike, 2 kallashnikov, një çifte dhe municion luftarak.

Tre janë autorët e dyshuar që kultivionin drogën dhe e përgatisnin për shitje, të cilët u arrestuan, ndërsa kryeplaku i fshatit Bujar Hoxhaj,e 3 punonjës policie hetohen në gjendje të lirë për shpërdorim detyre, si persona përgjegjës për kontrollin e zonës.  Tre policët gjithashtu janë pezulluar nga detyra.

Në pranga përfunduan Skënder Llanaj që kishte magazinën për tharjen e bimës, djali i tij 18 vjeçar, Danielo Llanaj dhe Durim Murataj që akuzohet se ka kultivuar mes misrit 4930 bimë narkotike, të cilat u asgjësuan me djegie.

Gjatë operacionit u sekuestruan dhe 1 armë zjarri kallashnikov, 1 armë gjaku dhe një sasi fishekësh luftarak të fshehura në magazinë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.  

1697096184_12112.jpg

Foto: Operacioni i zbulimit te parceles me kanabis

 

G.MO/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kuvend/ Zhupa kërkon shkarkimin e anëtarëve të Këshillit Drejtues të RTSH: Shkelje të rënda të ligjit dhe abuzime financiare! Bënë rolin e budallait!

Kuvend/ Zhupa kërkon shkarkimin e anëtarëve të Këshillit Drejtues të RTSH: Shkelje të rënda të ligjit dhe abuzime financiare! Bënë rolin e budallait!

17 Shkurt, 17:51