SPAK ka lëshuar në total 8 urdhër arreste për grupin e Inez Hajrullës. Mes të arrestuarve, siç bëjnë me dije burime për Report Tv, është edhe një ish polic, Hamëz Demushi, i cili është kapur në Zvicër. Në pranga ka rënë edhe Rezart Kuçi, aktualisht shef i departamentit të Policisë Shkencore në Kukës, ndërsa më herët ka shërbyer në disa komisariate, si Lushnjë, Tiranë, por edhe ish-shef krimesh në Vlorë. Ai akuzohet për veprat penale të “Shpërdorimit të detyrës”, “Trafik lëndësh narkotike” dhe “Pjesëmarrje në grup të strukturuar kriminal”. Burimet sqarojnë se Policisë i ishte dhënë vetëm 7 urdhër arreste dhe nuk i ishte dorëzuar urdhër arresti për Rezart Kuçin, me qëllim që të mos dekonspirohej operacioni.


Lajmi kryesor:

Porositën dy vrasje e trafik droge, SPAK godet grupin e Hajrullës! 8 urdhër arreste, shpëton i forti i Vlorës dhe miku i tij! Në pranga një shef policie, kapet ish-efektivi në Zvicër