POP 5

Lajmet më të lexuara të 5 minutave të fundit

Kronikë

Investuan paratë e kokainës në Shqipëri! SPAK hetim pasuror grupit të Suel Çelës, priten 3 ekstradime nga Belgjika dhe Italia

SPAK ka nisur një hetim pasuror ndaj grupit të Suel Çelës, personazhit më të kërkuar të drejtësisë, që dyshohet se ka pastruar paratë e drogës me investime në Shqipëri. Ndërkohë, pritet që SPAK të përcjellë kërkesën për ekstradimin e vëllait të tij, Mario Cela të arrestuar në Belgjikë bashkë me një anëtar të grupit, dhe të biznesmenit Bujar Shega, i cili u ndalua në Milano.

Investuan paratë e kokainës në Shqipëri! SPAK hetim pasuror grupit të Suel Çelës, priten 3 ekstradime nga Belgjika dhe Italia

Suel Çela

Tirane - Organizata kriminale e drejtuar nga i kërkuari Suel Çela, u zbulua dhe shkatërrua pas hetimeve të SPAK të koordinuara me partnerët në disa vende, përfshirë Belgjikën dhe Italinë ku janë kryer disa arrestime. SPAK ka bërë të ditur se javën e ardhshme do të përcjellë kërkesat për ekstradimin në Shqipëri të të arrestuarve si pjesë e kësaj organizate, duke informuar se hetimet po vazhdojnë dhe se bashkëpunimi ndërkombëtar ka qenë vendimtar për këtë goditje.

Paralelisht për personat e dyshuar si anëtarë të organizatës ka nisur edhe hetimi pasuror. Organizata dyshohet të ketë vepruar në trafikun e kokainës nga Amerika Latine drejt vendeve të BE-së dhe aktivitete të tjera të paligjshme, duke përfituar shuma të konsiderushme parash te cilat i kane investuar edhe në Shqipëri në sektorë të ndryshëm.

Ndërkohë, autoritetet janë duke përpunuar provat dhe dëshmitë për të çuar anëtarët e grupit përpara gjykatës. Më 27 nëntor, GJKKO la në fuqi masat e sigurisë për 20 personat e akuzuar si pjesë e kësaj organizate ndërsa ndryshoi masën vetëm për avokaten e grupit Blerina Beqirin, nga “arrest shtëpie” në detyrim paraqitje. Deri tani rezultojnë 4 persona në kërkim mes tyre kreu i bandës, Suel Çela, Prekë Kodra i cili konsiderohet snjaperisti i grupit, Fuad Verzivolli e Ledio Zabeli.

Të arrestuar në Belgjikë rezultojnë vëllai i Suelit, Mario Çela dhe një nga bashkëpunëtorët e tij, Sergeri Hasanpapaj. Ndërsa në Itali u arrestua biznesmeni Bujar Shega, i cili konsiderohet truri financiar që pastronte paratë e grupit.

Në hetim me masë detyrim paraqitje janë edhe 2 gazetarët Elton Qyno dhe Artan Hoxha, ky i fundit i akuzuar edhe si anëtar i bandës kriminale, të cilët sipas SPAK kanë përhapur në media informacione dezinformuese në favor të bandës së Suel Çelës.

Grupi i Suel Çelës
Arrest me burg për  
-Mario Çela (i arrestuar në Belgjikë më parë për vepër tjetër penale)
-Xhino Roka
-Klaus Matishi
-Sergei Hasanpapaj (arrestuar në Belgjikë)
-Bruno Azizolli
-Ledio Zabeli
-Marsel Roka
-Ado Xhika
-Metin Mehja
-Renato Hasani
-Pajtime Fetahu
-Dedan Gjoni
-Bujar Shega (i arrestuar në Itali)
-Hajdar Lala
-Në kërkim me masë sigurie arrest në burg në mungesë
-Suel Çela
-Prekë Kodra
-Fuad Verzivolli
-Skënder Sufaj
-Detyrim paraqitjeje:
-Artan Hoxha
-Elton Qyno
-Blerina Beqiri (avokatja)

G.K/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Akil: 29/11/2024 12:27

    Po vëllezrit e kësaj Shoqes se Taulant Ballës dhe mikes se Edi ramës Adelajda Roka qe është Drejtoreshë e ATZH për pastrim paradh të krimineleve kur do arrestohen. Kjo Adelajda do japë leje në Himarë për kompaninë Bega -07 në Himarë në tokë tapi të fallsifikuar. SPAK duhet të ndërhyje se po vidhet toka shtetërore. Apo e mbron Rilindja këtë zyratre të lidhur me krimin

    Përgjigju
  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEO/ Robert Lewandowski imiton shkëlqyeshëm Pep Guardiolën

VIDEO/ Robert Lewandowski imiton shkëlqyeshëm Pep Guardiolën

29 Nëntor, 14:41