Gjykata e Posaçme dha në total 150 vite burg për 15 persona të arrestuar të operacionit “Shpirti”, 2 vite më parë. Megjithatë, 100 vite burg do të kryhen, pasi bëhet fjalë për të pandehur të dosjes, të cilët pranuan më herët që të hetohen përmes procedurës së gjykimit të shkurtuar. Në mesin e tyre është edhe një i pandehur i 16-të, Luan Zylyftari, i cili mundi të marrë pafajësinë në shkallën e parë të GJKKO, duke rënë në këtë mënyrë 2 akuzat që rëndonin ndaj tij, trafikim i narkotikëve dhe grup i strukturuar kriminal.
Më tej, çështja pritet të shkoj në Apelin e GJKKO, aty ku do të marrë edhe vendimin e formës së prerë. Operacioni “Shpirti” u zhvillua në korrik 2021, ku u goditën disa grupe kriminale. Hetimi i autoriteteve italiane për 5 vite me radhë çoi në pranga 38 persona në total, mes të cilëve edhe punonjës policie dhe 2 shoqëruesit e Saimir Tahirit, Agustin Deda dhe Hekuran Marku. Në atë kohë u sekuestruan 4 milionë euro pasuri.
Çështja për personat e tjerë që po gjykohen është ndarë për shkak se disa kanë pranuar gjykim të zakonshëm dhe për disa të tjerë është pushuar. Ishin 4 bashkëpunëtorët e drejtësisë që rrëfyen para autoriteteve italiane se si ishte bërë trafikimi i drogës nga Shqipëria drejt Italisë, çfarë çoi deri në shpërbërjen e grupeve në fjalë. Nga dëshmitë e këtyre bashkëpunëtorëve, kokë e grupit konsiderohej Ilirjan Duçellarin.
Më herët, Gjykata e Posaçme ka dhënë dënim për 8 anëtarë të këtij grupi, mes tyre edhe Ilirjan Duçellari, i cili u dënua me 17 vite burg, por për shkak të gjykimit të shkurtuar do të vuaj 11 vite e 4 muaj. Operacioni “Shpirti” erdhi pas 2 operacioneve të mëparshme të koduar “Shefi” dhe “Kulmi” të zhvilluar në vitet 2018 dhe 2020. Në dosjen e megaoperacionit “Shpirti” e zbardhur më herët nga Report Tv, zbulohet roli i Ilirjan Ducellari, apo njohur si Zaimi, si kreu i bandës kriminale. Ai kishte plantacione gjigante kultivimi hashashi në Skrapar dhe e trafikonte drejt Italisë.
Dënimet
- Aleks Memaj - 15 vjet burg, me gjykim të shkurtuar 10 vjet burg
- Saimir Kurti - 13 vjet burg, me gjykim të shkurtuar 8 vjet e 8 muaj burg
- Erind Hysomemaj - 12 vjet burg, me gjykim të shkurtuar 8 vjet burg
- Klajdi Ademi (Hysomemaj) - 12 vjet burg, me gjykim të shkurtuar 8 vjet
- Toni Kushi - 12 vjet burg, me gjykim të shkurtuar 8 vjet burg
- Mariglen Çaçi - 12 vjet burg, me gjykim të shkurtuar 8 vjet burg
- Aleksandër Neço - 12 vjet burg, me gjykim të shkurtuar 8 vjet burg
- Çezar Xhomemo - 3 vjet burg, me gjykim të shkurtuar 2 vjet burg (lirohet, ka mbyll dënimin)
- Shkëlzen Kamberi - 12 vjet burg, me gjykim të shkurtuar 8 vjet burg
- Malton Lleshi - 12 vjet burg, me gjykim të shkurtuar 8 vjet burg
- Luan Zylyftari - I pafajshëm (akuzohej për kultivim narkotikësh & grup i strukturuar kriminal)
- Artan Zylyftari - 8 vjet burg, me gjykim të shkurtuar 5 vite e 4 muaj burg
- Geri Zylyftari - 8 vjet burg, me gjykim të shkurtuar 5 vite e 4 muaj burg
- Erind Zylyftari - 8 vjet burg, me gjykim të shkurtuar 5 vite e 4 muaj burg
- Ilir Gaba - 8 vjet burg, me gjykim të shkurtuar 5 vite e 4 muaj burg
- Festim Lelaj - 3 vjet burg, me gjykim të shkurtuar 2 vjet burg
Komente
Lajme të tjera
-
Dosja e drogës së operacionit 'Shpirti', GJKKO dënon me nga 8 vite burgim ish-truprojën e Tahirit dhe 2 të tjerët! Përfituan nga gjykimi i shkurtuar
20 Shtator, 15:46 -
Operacioni ‘Shpirti', Nga Vlora në Radhimë, ja pronat që iu konfiskuan Ilirjan Duçellarit! Gjatë hetimit u sekuestrua pasuri me vlerë 10 mln euro
26 Dhjetor 2023, 11:51 -
Operacioni ‘Shpirti’/ GJKKO e Apelit lë në fuqi dënimet për 7 anëtarët e grupit të trafikut ndërkombëtar të drogës! Ndryshon vetëm vendimi për kreun e bandës
22 Dhjetor 2023, 11:47 -
Apeli i GJKKO e la në burg, ish-truproja e Tahirit rekurs në Gjykatën e Lartë
8 Dhjetor 2023, 14:37 -
I burgosur për kultivim droge, vdes 31-vjeçari te ‘313’-ta! Drejtoria e Burgjeve: Pësoi arrest kardiak, mjekohej për tensionin e lartë
28 Tetor 2023, 19:06 -
Akuzohet për trafik droge, Apeli i GJKKO konfirmon dënimin për ish-truprojën e Saimir Tahirit
26 Shtator 2023, 10:24 -
U arrestua nga operacioni 'Shpirti', GJKKO shpall mos kompetencë për ish-prokurorin e Vlorës! Maksim Sota do të gjykohet në Durrës
15 Qershor 2023, 14:06 -
Operacioni 'Shpirti'/ GJKKO jep dënimet për 8 anëtarët e grupit të përfshirë në skemën e trafikut ndëkombëtar të drogës, 11 vite e 4 muaj burg për kreun e bandës (EMRAT)
9 Shkurt 2023, 15:46 -
I përfshirë në skemën e trafikut ndëkombëtar të kanabisit, GJKKO e dënon me 13 vite burg ish truprojën e Saimir Tahirit! Përfiton gjykim të shkurtuar
14 Dhjetor 2022, 11:36 -
'Zemra' prangos 6 shqiptarë dhe 5 italianë, transferuan 'fabrikat' e kanabisit nga Shqipëria në Itali, mbushën Barin me sera! Në operacion DIA italiane dhe SPAK (VIDEO)
8 Qershor 2022, 10:34 -
Operacioni 'Shpirti', të akuzuar për trafik ndërkombëtar droge, SPAK jep pretencën për 8 të pandehurit! Kërkon edhe konfiskim të pasurive
1 Qershor 2022, 15:13 -
U ekstradua një ditë më parë nga Gjermania, GJKKO lë në burg Hekuran Markun, ish-truproja i Saimir Tahirit: Nuk jam i përfshirë në trafikun e drogës
8 Maj 2022, 09:55
Keto jane denime por duhen ndjekur qe te kryhen te plota jo si me Jaeld Celen qe mbolli floket me leket e trafikut te hashashit. Ish prokurori i koruptuar Maksik Sota ku eshte? Vetem per nje rast te dokumentuar ka marre 300 mije euro rryshfet. Banda e Saje Qorrit kujton se ka mbaruar pune me drejtesine. Ka filluar hetimi pasuror per Sajmir Trafikun dhd Jaeld Celen. Edhe pak dhe do i shihni serish ne Tv.
PërgjigjuKeni të drejtë! Disa nga drejtorët e tij u ricikluan dhe ku shkuan vetëm kanabis mbollën...si ai i Shkodrës....