Operacioni ushtarak i Izraelit, mijëra refugjatë ikin nga kampi i Jeninit, vriten 10 palestinezë, 120 arrestohen

Këshilltari izraelit për sigurinë kombëtare ka thënë se operacioni ushtarak në veri të Bregut Perëndimor është afër arritjes së qëllimeve të tij.

Dhjetë palestinezë thuhet se janë vrarë dhe 100 të plagosur në operacionin deri më tani. Admirali Daniel Hagari thotë se 120 të dyshuar janë arrestuar deri më tani, me 300 militantë të armatosur që besohet të jenë ende të fshehur në Jenin.

Objektivat përfshijnë "vendet që përfshijnë laboratorë eksplozivësh". Nga ana tjetër, mijëra palestinezë janë larguar nga kampi i refugjatëve Jenin që nga ora kur nisi operacioni izraelit. Ata do të strehohen  në shkolla dhe strehimore të tjera në qytetin e Jeninit. 18 mijë palestinezë banojnë normalisht në kamp dhe ata kanë nevojë për ujë

Izraeli nisi të hënën operacionin e tij ushtarak më intensiv në Bregun Perëndimor të pushtuar në gati dy dekada, duke kryer një seri sulmesh me dronë dhe duke dërguar qindra trupa në një mision të hapur në një bastion të militantëve. Kampi në periferi të qytetit verior të Jeninit të Bregut Perëndimor u krijua në vitet 1950 dhe zona e ngjashme me geto është parë prej kohësh si një vatër e asaj që palestinezët e konsiderojnë rezistencën e armatosur dhe izraelitët e shohin si terrorizëm.

Qindra luftëtarë të armatosur nga grupet militante, duke përfshirë Hamasin, Xhihadin Islamik dhe Fatahun janë të vendosur atje, dhe Autoriteti gjysmë-autonom Palestinez nuk ka pothuajse asnjë prani. Brigadat Jenin, një njësi e përbërë nga njerëz të armatosur nga fraksione të ndryshme, është fajësuar për disa sulme terroriste kundër qytetarëve izraelitë pasi situata e sigurisë në të gjithë Izraelin dhe Bregun Perëndimor është përkeqësuar gjatë 18 muajve të fundit.

Ngjarjet e së hënës e çojnë numrin e vdekjeve të palestinezëve të vrarë këtë vit në Bregun Perëndimor në 133. Shtëpia e Bardhë tha se mbronte të drejtën e Izraelit për siguri dhe po monitoronte nga afër situatën në Bregun Perëndimor, ndërsa kryeministri i Britanisë, Rishi Sunak, i bëri thirrje ushtrisë izraelite të ushtrojë përmbajtje.

S.G/Shqiptarja.com

TAG:
• Bregu Perëndimor
• Izrael