Ditën e sotme në emisionin '45 minuta' nën drejtimin e gazetarit Denis Miniga ka qenë i ftuar deputeti i opozitës Ralf Gjoni ku u diskutua në lidhje me situatën politike. Tema e ditës ishte 'Opozita e re dhe SHBA', ndërsa për takimet e drejtorit të ri për Europën Qendrore e Jugore në Departamentin Amerikan të Shtetit, David Kostelancik, Gjoni ka thënë se ka ardhur për të rikonfirmuar prezencën që ka vendosur të ketë SHBA në vendin tonë dhe në rajon.
Më pas Gjoni ka deklaruar se ai beson se Reforma në Drejtësi do të funksionojë më së miri, pasi sipas tij BKH (Byroja Kombëtare e Hetimit) dhe SPAK (Struktura e Posaçme kundër Korrupsionit dhe Krimit të Organizuar) do të bëjnë punën e tyre me 'presionet' e ardhura nga BE dhe SHBA. Për sa i përket Reformës Zgjedhore, Gjoni ka kërkuar që socialistët të heqin nga posti i drejtuesit, Damian Gjiknurin. Ndërsa ka thënë se mes kryeministrit Rama dhe Basha vijon 'flirti' për Reformën Zgjedhore.
Gjoni ka komentuar edhe hapjen e negociatave me Bashkimin Europian duke e krahasuar me një skanim që i bëhet trupit të njeriut tek mjeku. Ai ka thënë se ky proces do të jetë i 'dhimbshëm' por se nga kjo do të mësojmë shumë. Ndër të tjera Gjoni ka deklaruar se në vendin tonë ka politikanë të lartë që 'i shkelin syrin njeri tjetrit' për të mos hapur negociatat pasi i tremben SPAK-ut.
Ndërkohë emisionin '45 minuta' do të keni mundësinë ta ndiqni çdo të enjte dhe të premte në orën 16:00.
Deputeti, Ralf Gjoni ka thënë se Damian Gjiknuri duhet të largohet nga drejtimi i Komisionit për Reformën Zgjedhore. Kjo deklaratë e Gjonit pas disa muajsh që nga kërkesa e tij në Kuvend për këtë largim. Në emisionin '45 minuta', Gjoni ka thënë se beson se mazhoranca do ta largojnë Gjiknurin nga drejtimi i Reformës pasi sipas tij kjo kërkesë është kusht për të votuar.
Sipas Gjonit, Rama dhe Basha vijojnë 'flirtin' e tyre dhe nuk u intereson ndryshimi i Reformës Zgjedhore.
"Duhet ndryshuar kodi zgjedhor dhe duhet amenduar kushtetuta. Kjo detyrë është e Komisionit të Posaçëm Parlamentar. Ne kërkuam tryezë për të hapur debatin. Vazhdojnë t'i shkelin syrin Lul Bashës. Ne kërkuam shkarkimin e Gjiknurit. Komisioni për Reformën Zgjedhore deri më tani është i pa kuptimtë. Dhe PS duhet të tërheq Gjiknurin që është në krye të këtij Komisioni. Kjo nuk duhet të përdoret si alibi për dashuriçkat dhe shkelje syri me Bashën. Pa votën tonë nuk bëhet ndryshimi. Të gjithë deputetët e opozitës në Parlament jemi të unifikuar. Duhet të mësoni një tjetër politikë. Ne nuk kontrollojmë tjetrin por diskutojmë. Beton shumë i fortë kundër bajraktarëve. Mbështetja amerikane është e mirëpritur dhe është lajm pozitiv. Mazhoranca do ta kuptojë shumë shpejt çdo të thotë reformë zgjedhore. "
Megjithatë kujtojmë se pas publikimit të raportit të OSBE/ODHIR, Rama dhe Basha duket se janë 'zbutur' për tu ulur për Reformën Zgjedhore. Edi Rama i shtriu edhe njëherë dorën për dialog dhe bashkëpunim edhe opozitës jashtë parlamentare për Reformën Zgjedhore ndërsa nga ana e tij edhe Basha ka thënë se kjo reformë është prioritet për të.
Deputeti, Ralf Gjoni i ftuar në emisionin 45-minuta me gazetarin Denis Minga, ka rikujtuar edhe një herë një ngjarje aspak të këndshme në një nga restorantet në Syrin e Kaltër, teksa kthehej me familjen nga pushimet në Greqi. Teksa denoncoi jo vetëm kushtet skandaloze e të cilat bëhet turizëm, ai tregoi sesi pronari i restorantit e kishte kërcënuar me jetë duke i thënë se do ta qëllonte me plumb në kokë.
Ai e paralelizoi eksperiencën e tij me atë të turistëve spanjoll të cilët u kërcënua disa javë më parë nga pronari i një resorti në Porto Palermo, Mihal Kokëdhima. Por sipas Gjonit, fajin nuk e kanë Mihalët por mungesa e Shtetit, pasi njerëz të tillë ka në shumë vende të botës por aty ku ka shtet sipas tij vepron policia duke i arrestuar menjëherë.
"Jo ne u çuam nga lokali dhe u kërcënuam me plumb në kokë. Këta kriminelë kanë zaptuar vendin dhe ambientet. Arrogantë ke edhe në Francë edhe në Kanada edhe në Tunizi. Por të kërcënojë jetën e tjetrit ata arrestohen direkt. Me Mihalin është ajo e mosfunksionimi i shtetit. Fajin se ka Kokëdhima por mungesa e shtetit. Fajin e ka shqiptari që shkon dhe voton këtë lloj politike. Por kam besim se do të arrijmë më përpara."
Deputeti i Grupit të Pavarur Parlamentar, Ralf Gjoni ka thënë se ai beson se Reforma në Drejtësi do të funksionojë shumë mirë. Sipas tij SPAK dhe BKH duhet të fillojë me tu ngritur detyrën e tyre për vënien para drejtësisë të politikanëve që janë përfshirë në afera dhe shkelje.
Më pas Gjoni ka deklaruar se në vendin tonë ka politikanë që i shkelin syrin njeri tjetrit për të mos u hapur negociatat.
"OSBE nuk certifikon zgjedhje, por vëzhgon dhe raporton. Raporti miratoi atë të mëparshëm. Nuk ka nevojë për raport. Ne jemi në një krizë të thellë shtetërore, ndoshta që prej 1991 me të pa precedentën. Edhe njerëzit e punësuar të gjithë duan të ikin. Edhe ne si opozitarë të rinj e ndjejmë trysninë tek forca jonë parlamentare. Ne na nevojetet një ripërtëritje. Duhet të marrim masa drastike brenda 2020 pa pritur më shumë. Përfundim i Reformës në Drejtësi BKH dhe SPAK. Hapja e dosjeve politike që kanë abuzuar me asetet kombëtare. SPAK duhet të fillojë punën me shpejtësi për të evidentuar figurat politke. SPAK do të funksionoj. Jo vetëm Reforma në Drejtësi por do fillojnë të ndryshojnë shumë gjera me ndikimin e SHBA dhe BE. Hapja e negociatave do të jetë shumë e dhimbshme dhe skanimi të cdo pjese. Për këtë arsye politikanët historik plan prishës kanë punuar dhe do të vijojnë t'i shkelin syrin njëri tjetrit për të mos hapur negociatat. Nëse SPAK nuk ndëshkon zyrtarët që kanë abuzuar, kredibiliteti i SPAK dhe BKH dhe Reformës ka rënë përtokë. Këtë e dinë amerikanët dhe bajraktarët."
Ditën e sotme në emisionin '45 minuta' në Report Tv deputeti i opozitës aktuale në Kuvend, Ralf Gjoni ka folur rreth takimeve që zyrtari i lartë i DASH zhvilloi në Tiranë , David Kostelancik.
Sipas Gjonit, drejtori i ri për Europën Qendrore e Jugore në Departamentin Amerikan të Shtetit, David Kostelancik ka ardhur për të rikonfirmuar prezencën që ka vendosur të ketë SHBA në vendin tonë dhe në rajon.
"Dreke pune, bisede e hapur, s'ka ndonjë sekret pasi SHBA është e drejtpërdrejtë, kanë folur gjithmonë hapur pasi na llogarisin si aleate strategjike dhe duan rezultate me te prekshme ne drejtësi, rend dhe ligj po ashtu edhe tek zgjedhjet. Pastërtia e figurave politike, atyre ne parlament. Integriteti i këtij të fundit lidhet me zhvillimet e Reformës ne Drejtesi dhe Zgjedhores.
Nuk e di pse Kostelancik ka ardhur ne tiranë. Ka qene nje mision për te mbledhur fakte nga palët politike. Këtë e them nga eksperienca ime mëparshme. Eshtë një personalitet i shtetit amerikan. Ka qene ne ambasadën e pare amerikane ne Shqipëri ne vitet 90.
Kostelancik i ka njohur këta personazhe qe ne vitet 90’, por une i përmenda sa ka ndryshuar Shqiperia ne modelin osmanist, bajraktarik por dhe sa respektohen te drejtat, nga bajraktarët te cilat mbajnë peng shtetin. S’ka shans Shqipëria te jete pjese e BE dhe aleances me SHBA ne nje batak otoman ku ka rene vendi. Shqiptaret duhet te dalin nga kjo grope kaq e madhe. T’i pershtaten standardeve evropiane lidhur me zgjedhjet dhe drejtësinë." ka thënë ndër të tjera Ralf Gjoni.
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02
Ne è dim marrveshjen Rama Basha
Përgjigju