Opozita çon në Kushtetuese tatimin për profesionet e lira, Tabaku: Taksimi i padrejtë, të shfuqizohet

37 deputetë të opozitës depozituan një padi në Gjykatën Kushtetuese për ligjin për tatimin mbi të ardhurat, duke e konsideruar në kundërshtim me kushtetutën. Ndryshimet e bëra në këtë ligj dhe të miratuara gjatë vitit të kaluar, kanë bërë pjesë të sistemit të taksimit progresiv me fasha edhe 29 mijë profesionistë të lirë.

 

Opozita në padinë e bërë kërkon nga Gjykata Kushtetuese shfuqizimin e pikës 2 të nenit 24 ku parashikohen fashat 15% dhe 23% e tatimit të profesionistëve të lirë. Si dhe kërkohet shfuqizimi i fjalisë së dytë të germës D të nenit 69 ku përcaktohet tatimi i profesionistë që ofrojnë shërbime profesionale.

Pas depozitimit të padisë deputetja Jorida Tabaku tha se taksimi i kësaj kategorie është i padrejtë, dhe se gjykata kushtetuese duhet të ngrihet në nivelin që i takon dhe të bëjë një të mirë publike. Kurse deputetja Emilia Koliqi tha se i është bashkuar kësaj padie pasi godet shtresën e mesme duke e rënduar me taksa në vend që ta mbështesë.

"Shpresoj shumë që Gjykatat Kushtetuese të ngrihet në nivelin që i takon, dhe të mos caktoj precedentë që janë të rrezikshme për besueshmërinë e saj, e të jap  një vendim në të mirë publike, që në këtë rast shkon me shtresën e mesme.

I bëj thirrje kujtdo që do t’i bashkohet kësaj padie si palë, të jap mendimin e vet, nga institucioni i avokatit të popullit, e institucionet e tjera, që duan t’i bashkohen kësaj nisme të grupit parlamentar të PD. Ne besojmë tek forca që kanë institucionet dhe tek ligji, shpresojmë që Gjykata Kushtetuese të mos zhgënjejë", tha Tabaku. 

Prej 1 janarit të këtij viti profesionistët e lirë që ofrojnë shërbime profesionale (26 lloje aktivitetesh, të ndara në 169 profesione) janë bërë pjesë e taksimit me fasha, dhe nuk trajtohen më si biznes i vogël me 0% tatim.  Ata që sigurojnë të ardhura vjetore deri në 14 milionë lekë do të tatohen me 15% ndërsa ata që kanë të ardhura mbi 14 milionë lekë do të paguajnë 23% tatim.

Për ekspertët tatimi në mënyrë progresive i profesioneve të lira, krijon premisa për korrupsion, shkaktohen diferencime dhe diskriminim midis biznesit që deri në 14 milionë lekë nuk paguan tatim kundrejt një profesionisti.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Besi: 29/02/2024 07:06

    goditet shtresa e mesme mbi 14 mln lek apo pastruesit e parave me doktorature, qe nuk miratojne hierarkine ne skemen e pagave te kushtetueses, hiquni plagjaturat dhe honoraret nese nuk u pelqen taksimi tabaku e co

    Përgjigju
  • Iris: 29/02/2024 01:45

    Jam dakord vetem per pjesen qe biznesi i vogel nuk tatohet kurse profesionet e lira tatohen po arriten tek 14 milioni,cdo arsye tjeter pse nje profesion i lire nuk duhet tatuar eshte pa baza.Te gjithe shtetasit e Shqiperise jane te barabarte para ligjit per sa i perket te drejtave e detyrimeve dhe kjo vlen dhe per taksat.

    Përgjigju
  • mergimtari: 28/02/2024 15:38

    Padia kerkon te vazhdoj "rumpalla".Formalizimi i ekonomise kerkon qe te gjithe te paguajne tatimin mbi fitimin.Profesionet e lira duhet te deklarojne me fature tatimor per cdo pune qe kryejne.

    Përgjigju
  • cuf dabjoni: 28/02/2024 13:41

    Nuk e kuptoj pse keta persona nuk duhet te paguajn tatim mbi te ardhurat personale deri sa fitojne...

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Ujëvara e Sotirës destinacioni i pranverës, turistja: Destinacion i mrekullueshëm! Kryebashkiaku i Gramshit: Së shpejti nis asfaltimi i rrugës

Ujëvara e Sotirës destinacioni i pranverës, turistja: Destinacion i mrekullueshëm! Kryebashkiaku i Gramshit: Së shpejti nis asfaltimi i rrugës