POP 5

Lajmet më të lexuara të 5 minutave të fundit

Politikë

Opozita parlamentare tërhiqet nga pragu 5%: Të ulet në 2%! PS: Shumë i ulët! Hajdari: Do të krijonte konkurrencë (Shtyhet mbledhja)

Deputeti Korab Lita, kërkoi uljen e pragut nga 5% që e kërkuan në fillim në 2%, pra duke e ulur me 1% krahasuar me atë që është aktualisht 3%.

TIRANE-Komisioni i Ligjeve dhe Këshilli i Legjislacionit janë mbledhur online dhe po diskutojnë nen për nen ndryshimet në Kushtetutë që kërkuan një grup deputetësh të opozitës parlamentare për hapjen e listave dhe ndalimin e koalicioneve. Mbledhja sotme nisi me një prapaktheu të grupit demokrat.

Deputeti Korab Lita, kërkoi uljen e pragut nga 5% që e kërkuan në fillim në 2%, pra duke e ulur me 1% krahasuar me atë që është aktualisht 3%, duke favorizuar akoma më shumë futjen e partive të vogla në Kuvend. "Propozoj që në pikën 2 të nenit të parë, të bëhet jo më pak se 5% të votave të vlefshme por 2% të votave të vlefshme. Pragu 5% dhe ndalimi i koalicioneve ngushtojnë hendekun. Pragu 2% e plotëson më së miri nevojën e shfaqur" tha ai.

Kërkesa e Litës është mbështetur edhe nga kryetari i grupit demokrat Murrizi. "E mbështes propozimin e relatorit në emër të opozitës që të ndryshojë pragu. Të merret parasysh që të ndryshohet nga 5% në 2%. Pragu 2% nuk është shumë i ulët, nuk sjell 100 parti në Kuvend". Edhe Rudina Hajdari ishte pro. "Propozimi i pragut zgjedhor 5% nuk ka ardhur nga grupi demokrat, ka ardhur nga deputetë të tjerë. Ulja e pragut do ishte më e drejtë dhe do të krijonte konkurrueshmëri" tha ajo. 

Kryetari i grupit të Pavarur, Edmond Stojku theksoi se "Pragu 2% nuk do të ishte keq por duhet të shohim kushtet". Për këtë kërkesë për të ndryshuar pragun, deputetja socialiste Klotilda Ferhati theksoi se 2% është i ulët. “Pragu 2%  duket i ulët, por kjo duhet diskutuar. Të ulemi të gjithë bashkë si relatorë dhe ekspertë t’i diskutojmë". Kjo bëri që mbledhja të shtyhet për nesër në 10:00 kur do të pritet propozimi me shkrim i argumentuar i relatorëve për ndryshimin e pragut të hyrjes në Kuvend.

Hapja e listave dhe rrjedhimisht ndalim i koalicioneve ka rindezur luftën politike mes shumicës dhe opozitës parlamentare nga njëra anë dhe opozitës jashtë parlamentit, që e kundërshton. Kryeministri Edi Rama u shpreh i vendosur pak ditë më parë për hapjen e listave, por Lulzim Basha akuzoi se këtë lëvizje kreu i shumicës po e bën për të ndaluar koalicionet nga frika e asaj që e pret vitin tjetër në zgjedhjet parlamentare.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vicidoli: 13/07/2020 15:11

    Keni me pa Kryeminister del Nard Noka Parti e tij del forca e pare

    Përgjigju
  • votuesi: 13/07/2020 12:03

    Eshte e turpshme te behet 2% pragu elektoral. O burra hajdeni futuni te gjithe ne parlament te mire e te ligj. Ku vemi keshtu apo u ka hyre frika atyre te listave te hapura. Minimalisht 4% edhe 5 do ishte mjaftueshem. Turp me 2 % mos pranoni trgohuni dinjitoze. 2% jane votat e lagjes e familjes.

    Përgjigju
    • Gezimi: 13/07/2020 12:49

      Ti do jesh nga ata qe lepin ndonje kock qe ta hedhin keta qe jane parlament tani prandaj nuk deshiron qe te kene mundesine te futen dhe te tjeraty.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa