Avokat i njohur, Spartak Ngjela ka komentuar situatën politike në vend dhe jovetëm, teksa e ka ndalur theksin tek deklarata e bërë dy ditë më parë në mbledhjen e Këshillit Kombëtar të Integrimit nga drejtuesi i Prokurorisë së Posaçme Kundër Krimit të Organizuar dhe Korrupsionit, Altin Dumani, se SPAK duhet të hetojë korrupsionit e madh dhe kaosit të shkaktuar dje nga grupi i Gazment Bardhit dhe Sali Berishës në Kuvendin e Shqipërisë.
Gjatë një interviste për Report Tv në emisionin ‘Sot Live në Shqipëri’, avokat Ngjela tregoi se çfarë fshihet pas kaosit që shkaktoi binomi Berisha-Bardhi dje në Parlament. Sipas tij, opozita e drejtuar nga ish-kryeministri Berisha dhe Juda i Bashës, Gazment Bardhi se ata janë në hall, por theksoi se të fitosh duhet të kesh pas vetes shumë njerëz. “E kanë bërë bojkotin ata. Saliu di vetëm bojkot dhe fjalë pa lidhje. Ata janë jashtë kohës dhe hapësirës së demokracisë moderne. Ata nuk vijnë dot në pushtet, janë në hall dhe nuk vjen dot në pushtet një person non grata në Amerikës.
Po sepse grupimi i Bashës është me perëndimin, se më kë është Saliu këtë se dimë, por me Amerikën dhe me Shqipërinë ai nuk është. Saliu nuk fiton sot sepse duhet që të ketë numër votuesish që të fitosh, nuk merret pushteti me 18 për qind të votave”, deklaroi ai.
Deklarata e Dumanit
Duke u ndalur tek sistemi i drejtësisë dhe deklarata e Dumanit, avokat Spartak Ngjela theksoi se SPAK nuk e ka hetuar ende korrupsion madhor, çka la të nënkuptohet dhe madje paralajmëroi se SPAK do të nisë reprezaljen ndaj të “peshkaqenëve” të korrupsionit. “Të shohim ca do bëjë sepse për krimin madhor nuk është bërë asgjë deri tani.
Sepse bota thotë se këtu ka korrupsion të lartë, këtu ka persona që janë non grata në Amerikë për korrupsion dhe janë disa nuk është vetëm një. Ambasadorja amerikane tha se janë ose të blerë ose të trembur, por është e njëjta gjë si i blerë dhe si i trembur. Amerika, pra politika amerikane duhet që ta sillte SPAK nga jashtë qoftë edhe prokuror ndërkombëtar ata nuk bëjnë dot gjë janë të trembur. Unë them ti heq, sepse Blinken tha SPAK e drejtojmë në, në SPAK janë ekspertë amerikan. Ai që ka frikë nuk mund të jetë as prokuror dot dhe as burrë shteti. Ka pauza në goditje dhe këto të japin të ditur se janë kërcënuar.
Dhe ambasadorja amerikane tha se këta janë të trembur dhe fakti që janë të trembur unë thash duan mbrojtje. I kanë dhënë mbrojtje apo jo se di, por mbrojtja që japim ne nuk mjafton. Antimafia në Itali jeton në lagje të caktuara dhe i mbajnë në qytete të veçanta, aty rri vetëm bota juridike që merret me krimin dhe mafian, ashtu duhet që të jetë edhe këtu tek ne”, u shpreh ai. Po ashtu, avokat Ngjela zbuloi se pse ka ngecur lufta kundër korrupsionit. “Ka dy arsye zvarritja ose po mbledhin prova të pakundërshtueshme ose kanë stepje si tha ambasadorja amerikane”, tha ai.
Samiti i Procesit të Berlinit në Tiranë
Sa i takon samitit të Berlinit, avokat Spartak Ngjela theksoi se nuk solli asgjë konkrete për Shqipërinë. “Folën vetëm gjëra të përgjithshme. Ne e bëmë tonën, i pranuam, bënë edhe mbledhjen dhe nuk dhanë asgjë. Fakti që erdhën këtu dhe u mblodhën unë thash se do jepnin lajmin se do të hyjmë në Bashkimin Europian, ata erdhën dhe folën broçkulla, nuk thanë asgjë konkrete për mua. Pati vetëm atë anën e jehonës që edhe Tirana po quhet një qytet me rëndësi evropiane”, theksoi ai. Më herët avokat Ngjela e cilësoi sjellje prej diktatori, e fjalimin e kryeministrit Edi Rama javën që shkoi në Kuvend për rezolutën e Kosovës.
Sipas Ngjelës, kryeministri nuk e kupton rëndësinë e opozitë në një shtet demokratik. “Kjo nuk është natyrë e një kryeministri perëndimor. Është si komunistët liberal, mos të shkojmë deri te Enver Hoxha. Ai nuk e di ç’është opozita. Kam përshtypjen se nuk e di që demokracia është opozita. Hiqe me një dekret opozitës, s’ka nevojë më për opozitë (qesh). Kush do jemi, ne që po flasim në studio? Ai bënte sikur kishte përpara armikun. Nuk është i pari kështu, kështu që kanë qenë të gjithë kryeministrat, e kanë pozicionuar opozitën si armike.
Duke parë sjelljen e tyre në këto 30 vite, arrita në konkluzionin që nuk ishte rastësi komunizmi shqiptar, që ishte aq ekstrem. Duhet të jetë defekt i koshiencës, sepse këta nuk e konceptojnë dot të kundërtën. Nuk është çështja vetëm në parlament. Edhe në një bisedë, po ta vësh re, sepse biseda është me të kundërtën. Nëse s’ka të kundërt, nuk ka bisedë”, nënvizoi Ngjela.
Lajme të tjera
-
Goditja e organizatës kriminale të Suel Çelës, SPAK: Publikimi i dosjes dëmton procesin hetimor
28 Nëntor, 17:32 -
Vrasja e Klaudio Prendit, dosja i kalon SPAK-ut, autorët i përkasin një grupi të strukturuar kriminal
28 Nëntor, 11:50
-
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
Dosja/ 'Me Bajrët je në burg, ose varr! Mos i ki besë policëve!’ Si e paralajmëroi Suel Çela ‘gjahtarin’ Prekë Kodra dhe çfarë i premtoi
27 Nëntor, 17:40 -
Buxheti 2025 drejt Parlamentit! Para shtesë për 21 institucione, shtohen shpenzimet me 23 mln euro! KQZ-së i japin 690 mln lekë shtesë për zgjedhje
27 Nëntor, 17:10
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Kërkoi lehtësimin e masës, GJKKO lë përsëri në 'arrest shtëpie' nënkryetarin e Bashkisë Tropojë! Edhe kryebashkiaku Byberi në të njëjtën dosje, 3 akuza (VENDIMI)
27 Nëntor, 16:32 -
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47 -
SPAK çon në GJKKO dosjen e deputetit PS Plarent Ndreca dhe 15 ish-zyrtarëve të Ministrisë së Brendshme! Dyshime për shkelje në tenderët e vitit 2019 (SKEMA+EMRAT)
27 Nëntor, 13:58 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
DOSJA / Suel Çela rekrutoi edhe gjyqtaren e Tik-Tokut Enkeleda Kapedanin, si ia mbylli dosjen kriminale, i ofroi një makinë 40 mijë euro! Gjyqtarja: Kam respekt për të
27 Nëntor, 11:04 -
Gjykata e Fierit sekuestron mbi 1 mln euro pasuri të financuesit të laboratorit të kokainës në Frakull! Dhjetëra apartamente në Tiranë e Durrës (EMRI+LISTA)
27 Nëntor, 10:46
