Opozita: Vendi shkon në zgjedhje,
demarkacioni nuk kalon
 

Kryetarët e dy partive më të mëdha, ai i PDK-së, Kadri Veseli dhe ai i LDK-së, Isa Mustafa kanë paralajmëruar se javën në vazhdim do të dalë në Kuvend Projektligji për ratifikimin e demarkacionit të kufirit me Malin e Zi, nga opozita po shihej si pafuqi e koalicionit qeverisës.
 
Zyrtarë të partive opozitare paralajmëruan kundërshtim të ashpër sikurse edhe më parë, në tentim për ta penguar ratifikimin e saj, pasi sipas tyre Kosova po humb territor në lidhje me këtë marrëveshje.
 
Ky njoftim erdhi nga dy kreret e dy partive në koalicionin qeverisës,njoftuan se kanë biseduar me zëvëndës-ndihmës sekretarin e Shtetit Hoyt Yee,me të cilin kanë rënë dakord që ratifikimi i kësaj marrëveshje të ndodh javën tjetër.
 
Kryetari i Kuvendit, Kadri Veseli, gjatë bisedës telefonike me diplomatin amerikan, i ka thënë atij, se institucionet e Kosovës duhet të marrin vendime të mëdha, pasi në të kundërtën, ato e humbin kuptimin.
 
Njëkohësisht edhe Kryeministri i Kosovës Isa Mustafa, i ka shprehur diplomatit amerikan nevojën që sa më parë Kosova të miratojë marrëveshjen për Demarkacionin.
 
Por krejt ndryshe mendojnë partitë parlamentare opozitare në vend.
 
Deputeti i Levizjes Vetvendosje Driton Caushi ka rikonfirmuar se këto paralajmërime janë tregim i pafuqisë së qeverisë,derisa masat për ta penguar ratifikimin e saj, sipas tij, do të jenë të njëjta.
 
Ndërkohë edhe shefi i Grupit Parlamentar të AAK-së, Pal Lekaj, ka thënë se paralajmërimi i koalicionit qeverisës për proçedimin e marrëveshjes në Kuvend , janë kundërthënëse dhe fillimi i fundit të kësaj qeverie dhe shkuarjes në zgjedhje.
 
Shefi i deputetëve të AAK-së, ka shtuar se edhe mocioni i mosbesimit i iniciuar nga Nisma për Kosovën, do të ketë sukses dhe se fundi i javës së ardhshme do të jetë vendimtar për shkuarjen në zgjedhje të parakohshme.
 
Projektligji për ratifikimin e marrëveshjes për demarkacionin mes Kosovës dhe Malit te Zi, ishte tërhequr nga seanca plenare vitin e kaluar,meqë sipas arsyetimit të kryeministrit në seancë plenare mungonin deputetët e Listës Serbe, derisa opozita insistonte që të dilte në votim.




Redaksia online
D.M/Shqiptarja.com

TAG:
• OSBE