Orban: Javën e ardhshme në Luksemburg Shqipëria hap negociatat për grup kapitullin e parë, ju përgëzoj! Rama: Hungaria, model për ne! 350 milionë euro investime

Në konferencën mes Ramës dhe Orban në Budapest nuk munguan batutat dhe vlerësimet për njëri tjetrin. Kryeministri hungarez e quajti homologun shqiptar si artist të politikës.

Ndërsa Rama duke vlerësuar Hungarinë theksoi se ne përveç turistëve hungarez kemi patur edhe një mbretëreshë hungareze. Rama bëri dhe një batutë sa i takon këpucëve duke i kërkuar ndjesë Orbanit që nuk i është përmbajtur protokollit por ka veshur këpucë të mërzitshme.

Orban: Kemi patur në fakt biseda vërtet të thella dhe diskutime për të cilat i jam atij tërësisht mirënjohës. Është vërtet shumë kënaqësi gjithmonë kur kemi në fakt të ftuar që janë artist të politikës sepse na sjellin këndvështrime të reja dhe kjo gjë na ndihmojnë gjithnjë edhe në shkëmbimin e ideve. Pra patëm një privilegj të madh që i ftuari ynë nuk vjen me atë traditën e politikanëve hungarezë, pra nuk është jurist apo ekonomist siç është rasti me ne në Hungari, por me njohuritë e tij ne kemi diskutuar edhe politikën hungareze dhe është vërtet kënaqësi dhe dëshiroj ta falënderoj atë.

Rama: Hungaria është vendi nga i cili ne patëm një mbretëreshë, por ne gjithashtu duam që edhe investimet në turizëm të pasojnë dhe që të kemi flamurin hungarez në Shqipëri dhe na pëlqen shumë flamuri hungarez. Nuk e shikojmë atë fare si kërcenim apo sikur do të na pushtojë dhe në fund, por jo më pak nga rëndësia gjithashtu dëshiroj që t’i shpreh mirënjohjen e thellë kryeministrit Orbán për mbështetjen e tij të palëkundur për Ballkanin Perëndimor dhe jo thjesht mbështetje me fjalë, por me vepra. Si edhe dëshiroj ta falënderoj atë që gjithmonë ka thënë që Ballkani Perëndimor është po aq i rëndësishëm për BE-në sa BE-ja për Ballkanin Perëndimor dhe me kërshëri pres që shumë e më shumë gjëra do të bëhen ndërmjet 6 vendeve të Ballkanit Perëndimor dhe Hungarisë edhe po të mos jetë vetëm në lidhje me gjërat që kanë të bëjnë me Procesin e Berlinit apo me planin e rritjes, por edhe në fushën financiare për aspekte që kanë të bëjnë më të nxënit nga historia dhe për ta gjykuar të tashmen duke u përpjekur që të mos na befasojë e ardhmja.

Kryeministri Edi Rama nga konferenca me kryeministrin Viktor Orban ditën e sotme, u shpreh se investimet hungareze në Shqipëri janë mbreslënëse, të cilat sipas tij kapin shifrën e 350 milionë eurove.

Rama tha se duhet që të ketë një rritje të investimeve në fushën e turizmit.

 “Ne gjithashtu folëm për investimet dhe i thashë kryeministrit që ne ndihemi të inkurajuar nga fakti që kompanitë hungareze, pra shoqëritë tregtare hungareze po investojnë, por gjithashtu edhe numri i investimeve të drejtpërdrejta të huaja në shifra me euro që vijnë nga Hungaria është i pazakontë duke u krahasuar gjithnjë me vende që janë si Shqipëria në madhësi, pra bëhet fjalë për rreth 350 milionë euro, që është një shifër vërtetë domethënëse për ekonominë tonë dhe është vërtetë mbresëlënës sa i përket performancës së një shteti si Hungaria, gjë që nuk e pret që ta kesh në vendin tënd, pra investime të huaja. Kështu që diskutuam se si mund të arrijmë edhe më shumë në këtë fushë. 

Turizmi është një objektiv për shembull dhe ne po shikojmë gjithnjë e më shumë qytetarë hungarezë që vijnë në Shqipëri për pushime. Në bregdetin tonë ky numër është rritur sërish në krahasim me vitin e shkuar dhe për momentin ne po shikojmë një rritje të madhe të turizmit në Shqipëri. 10 milionë turistë kishim vjet dhe sivjet shifra do të arrijë 12 milionë ose më shumë, me aeroportin që ka patur rritjen më të madhe në Europë dhe ne dëshirojmë që të kemi jo vetëm turistë hungarezë të cilët sigurisht i mirëpresim dhe meqë ra fjala, Hungaria është vendi nga i cili ne patëm një mbretëreshë, por ne gjithashtu duam që edhe investimet në turizëm të pasojnë dhe që të kemi flamurin hungarez në Shqipëri dhe na pëlqen shumë flamuri hungarez”, tha ai.

Në fjalën e tij krah homologut Viktor Orban në Budapest, Rama u shpreh mirënjohës ndaj kryeministrit hungarez. Më tej shprehu mirënjohjen edhe për mbështetjen e Hungarisë në rrugëtimin e Shqipërisë drejt BE-së, teksa javën e ardhshme në konferencën ndërqeveritare Shqipëri-BE pritet të hapet grupkapitulli i parë i negociatave.

Rama vlerëson Orbanin edhe si person me të cilin mund të flas lirisht për çështje të ndryshme, në të kundërt të retorikës në Europër e cila fajëson për shumëçka kryeministrin hungarez. 

'Së pari jam vërtet shumë i nderuar për mënyrën se si kryeministri miku im më prezantoi. Nuk e di nëse është e merituar por këto fjalë kanë vërtetë rëndësi. Të gjithë e dinë që Viktor Orban është shumë më i lehti ti hidhet faji për çdo gjë që ndodh në botë. Për mua është më i këndshmi për të folur për gjëra të ndryshme që ndodhin në botë por edhe për historinë si instrument për të analizuar dhe përgatitur për të ardhmen. Kënaqësi që jam këtu dhe shpreh mirënjohjen nga zemra për atë që ka bërë presidenca e Hungarisë, për ne.

Duke nxitur dhe bashkërenduar dhe bërë të mundur që pas disa ditësh do kemi mundësinë të hapim një pjesë të madhe të negociatave me BE. Në këtë mënyrë ne do të hyjmë fazë integrimi e përparuar. Dhe sigurisht falenderojmë dikë tjetër që nuk është pjesë e qeverisë hungareze, Oliver Varhelyi që na shoqëroi për 5 vite dhe ishte kyç në shumë arritje tonat. Jo vetëm në aspektin dy palësh por edhe shumë palësh në rajon.'

Kryeministri hungarez Viktor Orban ka vlerësuar Shqipërinë për ecurinë drejt BE-së. Në konferencën e përbashkët me Ramën në Budapest, Orban mendon se vendi ynë duhet të ishte tashmë anëtar i BE-së

'Shqipëria ka pritur shumë për këtë. Kam folur edhe në Strasburg. Ku ka më mirë që BE ti mirëpres vendet  BP se kështu qarkullon më mirë gjaku. Duhet të jetë pjesë e BE edhe tani, po fatkeqësisht po shohim pengesa politike dhe është e vështirë për ti kaluar. Mund t’ju them që kemi patur sukses pasi javën  ardhshme do kemi konferencën ndër qeveritare ndërmes BE dhe Shqipërisë. Dhe do hapet grup kapitulli i parë dhe përgëzoj kryeministrin Rama. Herën e fundit kur kemi patur diskutime të tilla ka qenë kur ne kemi qenë në presidencë dhe Kroacia u bë vend anëtar. Hungaria kaq ndihmuar BE duke ofruar mbështetje financiare për vendet e BP. Nuk duhet të prisnin anëtarësimin për këtë gjë. Kemi diskutuar edhe bashkëpunimin dypalësh.

Në lidhje  me marrëdhënien dypalëshe Shqipëria është vend jo vetëm miqësor por shumë i rëndësishëm për ne gjë shumë e madhe. E shikojmë jo vetëm se firmat hungareze të jenë të suksesshme por të kenë sukses në Shqipëri. Kompanitë tona po ecin mirë në tregun e telekomunikacoinit. Europa dhe Egjipti do lidhe me anën e një rrjeti telekomunikacionit. OTP ka fituat çmimin si banka më e mirë digjitale në Shqipëri. Do vijojmë marrëdhënien dypalëshe dhe do rrisim rolin tonë. Ju jam mirënjohës kryeministër.'