Kryeministri i Hungarisë, Viktor Orban, tha para Parlamentit të shtetit të tij të hënën se ratifikimi i anëtarësimit të Suedisë në NATO nuk është “urgjente”, duke e akuzuar shtetin nordik se ka sfiduar “natyrën demokratike” të shtetit.
Hungaria ende nuk ka votuar për pranimin e Suedisë në Organizatën e Traktatit të Atlantikut të Veriut (NATO), duke iu bashkuar Turqisë, e cila për një kohë të gjatë kishte bllokuar anëtarësimin e Suedisë në aleancë, para se të hiqte veton në muajin korrik.
Në të kaluarën, Orban vazhdimisht ka deklaruar se Hungaria mbështet Suedinë në aspiratën e saj që t’i bashkohet NATO-s.
“Pyes veten nëse ka diçka urgjente që na detyron ne të ratifikojmë anëtarësimin e Suedisë në NATO. Nuk shoh asnjë rrethanë të tillë”, u tha Orban ligjvënësve më 25 shtator.
Orban i mbështeti deklaratat e tij duke thënë se “nuk ka asnjë rrezik për sigurinë e Suedisë” dhe asnjë marrëdhënie ushtarake me Suedinë nuk rrezikohet.
Budapesti shpesh dënon atë që e cilëson “sjellje armiqësore” të Stokholmit, duke i akuzuar përfaqësuesit suedezë se “vazhdimisht e sulmojnë Hungarinë” për çështjet që lidhen me sundimin e ligjit.
Në javët e fundit, ka qarkulluar një video e vitit 2019, ku shfaqen kritika lidhur me rënien e demokracisë në Hungari.
“Akuzat e rënda dhe informacionet e rreme po përhapen në shkollat e Suedisë”, tha kryediplomati hungarez, Peter Szijjarto, në letrën që i dërgoi më herët gjatë shtatorit homologut të tij suedez.
Videoja që është rishfaqur për Hungarinë që shfaqet në shkolla “përkeqëson problemin.... në nivelin e politikës ndërkombëtare dhe ne nuk do ta pranojmë këtë”, tha Orban të hënën.
Helsinki dhe Stokholmi– që për vite të tëra kishin politikë të mosangazhimit ushtarake – pas nisjes së pushtimit rus të Ukrainës shkurtin e kaluar, shprehën dëshirën e tyre që t’i bashkohen NATO-s. Në prill, Finlanda u bë anëtarja e 31-të e NATO-s./REL
Lajme të tjera
-
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Nisja e kontingjentit EOD drejt Letonisë, Vengu: Jeni mburoja dhe forca e të gjithëve
26 Nëntor, 16:05 -
NATO dhe Ukraina takohen lidhur me raketën e re ruse
26 Nëntor, 08:23 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
Synon anëtarësimin në BE, Serbia dështon në hapjen e kapitujve
25 Nëntor, 16:45 -
Synon anëtarësimin në BE, Serbia dështon në hapjen e kapitujve
25 Nëntor, 16:43 -
Shef i NATO-s, Mark Rutte viziton sot Turqinë ku do takohet me Erdogan dhe Fidan! Nesër do të jetë në Athinë
25 Nëntor, 09:49 -
E ardhmja e NATO-s dhe qëndrimet e Trump
24 Nëntor, 17:30 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Ministri hungarez i Shtetit: Shqipëria hapa konkretë drejt integrimit në BE
23 Nëntor, 15:15
