Organizonin lojëra fati në një lokal të paregjistruar, vihen nën hetim 7 persona, shpallet në kërkim personi që kishtë marrë me qira ambientin

7 persona  janë vënë në hetim nga policia e Korçës , pasi janë kapur duke organizuar lojëra fati, në një lokal të paregjistruar. Në cilësinë e provës materiale u sekuestruan 1 tavolinë pokeri, një sasi çipsash, letra bixhozi dhe një shumë parash që dyshohet se ishte përfituar nga kjo veprimtari e paligjshme. Në vijim të operacionit policor "Basti i fundit" shhpallet në kërkim shtetasi që e kishte marrë me qira këtë ambient, për ta përshtatur për kryerjen e kësaj veprimtarie të paligjshme.. Vihen në hetim VE. K., 39 vjeç, F. G., 21 vjeç, K. V., 26 vjeç, K. B., 37 vjeç, R. M., 29 vjeç, E. Sh., 27 vjeç, E. D., 30 vjeç, banues në Korçë dhe në fshatrat Bulgarec, Dishnicë dhe Libonik.

Gjithashtu, në vijim të veprimeve procedurale për këtë rast, u shpall në kërkim edhe shtetasi D. B., 18 vjeç, banues në fshatin Podgorie, Maliq. Vijon puna për kapjen e këtij shtetasi.

Materialet procedurale i kaluan Prokurorisë pranë Gjykatës së Shkallës së Parë Korçë, për veprat penale "Vënia në dispozicion e lokaleve për lojëra të palejuara"; "Fshehja e të ardhurave" dhe "Organizimi ose ushtrimi i veprimtarive të lojërave të fatit në kundërshtim me ligjin".

F.D/Shqiptarja.com

TAG:
• Arrestime
• lojera fati
• policia e vlorës
• Vlore