Origjina e COVID-19, Biden: Komuniteti i zbulimit i ndarë, duhet të bëhen hetime të mëtejshme

Presidenti i SHBA, Joe Biden tha sot se komuniteti amerikan i zbulimit është i ndarë lidhur me origjinën e koronavirusit, nëse virusi vjen nga kontakti njerëzor me një kafshë të infektuar apo nëse ai ishte pasojë e një aksidenti laboratorik

Biden tha se ai ka nxitur komunitetin e inteligjencës amerikane të dyfishojnë përpjekjet e tyre në hetimin e origjinës së pandemisë së Covid-19 dhe t'i raportojë përsëri në 90 ditë.

Njoftimi vjen pas një raporti të inteligjencës amerikane ku u tha se disa studiues në Institutin e Virologjisë Wuhan të Kinës u sëmurën në nëntor 2019 dhe duhej të shtroheshin në spital, një detaj i ri që nxiti debatin e mëtejshëm në lidhje me origjinën e pandemisë së koronavirusit.

"Si pjesë e këtij raporti, unë kam kërkuar për fusha të hetimit të mëtejshëm që mund të kërkohen, duke përfshirë pyetje specifike për Kinën. Unë gjithashtu i kam kërkuar Komunitetit të Inteligjencës që ta mbajë Kongresin plotësisht të informuar për punën e tij", tha Biden në një deklaratë.

 

 

TAG:
• SHBA
• Joe Biden
• COVID-19