POP 5

Lajmet më të lexuara të 5 minutave të fundit

Kultura

Orkestra e harqeve “Aleksandër Moisiu' sjell urimet për festat e fundvitit me artistë të njohur dhe të rinj

Orkestra e harqeve “Aleksandër Moisiu” uroi mbrëmjen e kaluar artdashësit durrsakë me një koncert të përgatitur enkas për festat e fundvitit. Dirigjenti Petrika Afezolli, i cili bashkë me veprat në program prezantoi edhe artistët e ftuar, drejtoi më pas orkestrën e njohur në nëntë veprat e përzgjedhura të koncertit.

Orkestra e harqeve “Aleksandër Moisiu' sjell urimet për festat e fundvitit me artistë të njohur dhe të rinj

Foto nga koncerti

Orkestra e harqeve “Aleksandër Moisiu” uroi mbrëmjen e kaluar artdashësit durrsakë me një koncert të përgatitur enkas për festat e fundvitit.

Dirigjenti Petrika Afezolli, i cili bashkë me veprat në program prezantoi edhe artistët e ftuar, drejtoi më pas orkestrën e njohur në nëntë veprat e përzgjedhura të koncertit.

Soprano e mirënjohur e Teatrit të Operas, Eva Golemi u duartrokit gjatë nga spektatorët që mbushën sallën e teatrit “Aleksandër Moisiu”.

Këngëtarja lirike u paraqit me ariet “O mio babbino caro” nga G. Puccini, “Summertime” nga G. Gershwin dhe “La Wally” nga A. Catalani.

Artistja me përvojë u përcolli dëgjuesve emocionet e veçanta të secilës prej pjesëve të përzgjedhura nga autorë të periudhave të ndryshme.

Për herë të parë në një skenë koncertale u ngjit edhe Kuinteti i Frymës së nxënësve të shkollës së mesme “Jan Kukuzeli”, përgatitur nga pedagogu Pirro Sota.

Artistët e rinj Tivari, KuriçI dhe O. {yrbja në sxofon dhe Shani e M. {yrbja në fagot sollën në sallë mjaft gjallëri me interpretimin e kolazhit “Ritme Latine” të orkestruara nga pedagogu Moni Kuriçi.

Orkestra me 17 komponentë e dirigjentit Afezolli në këtë koncert kishte përfshirë në formacion së bashku me pedagogë dhe nxënës të moshave të ndryshme edhe studentin-pianist Erli Lila.

Në programin e përgatitur për festat e fundvitit veç veprave nga literatura e huaj muzikore u vlerësua veçanërisht “Valsi” i kompozitorit durrsak Haig Zacharian, mjaft i njohur edhe si autor i kolonave muzikore në më shumë se 25 filmave artistikë shqiptarë.

“Zërat pranverorë” nga J. Shtraus dhe “Vals nr 2” nga D. Shostakovich ishin pjesë e buqetës muzikore të urimeve të orkestrës së harqeve “Moisiu”, e cila e mbylli programin koncertal me interpretimin premierë të veprës “Patinatorët” nga E. Waldteufel.

Pjesëmarrëse dhe fituese në konkurrime të ndryshme në shkallë kombëtare orkestra me shumë përvojë e dirigjentit Petrika Afezolli vjen përballë shikuesve të shumtë në çdo stinë koncertore.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

24 Dhjetor, 19:15