POP 5

Lajmet më të lexuara të 5 minutave të fundit

Bota

Anija turke 'Oruç Reis' rikthehet në Mesdhuen Lindor/ Tensioni turko-grek për kufijtë detar vazhdon

Oruç Reis i rikthehet fushatave kërkimore për hidrokarbure në Mesdheun Lindor duke rikthyer edhe njëherë në qendër të vëmendjes konfliktet në Mesdheun Lindor. As kërcënimet për sanksione duket se nuk do të ndalojnë këtë herë Turqinë.  

Pavarësisht kërcënimeve për vendosjen e sanksioneve nga BE dhe tensioneve me Greqinë dhe Qipron  Anija turke Oruç Reis, do ti rikthehet fushatës kërkimore në Mesdheun Lindor për 10 ditët në vijim.  Në misionin e saj që nis sot dhe zgjat deri më 22 Tetor,  ajo do të shoqërohet edhe nga dy anije të tjera, Ataman dhe Cengiz Han.

Anija kërkimore Turke nisi misionin e saj në kërkim të hidrokarbureve në mesin e Gushtit duke shkaktuar tensione të shumta me Greqinë dhe Qipron, në lidhje me territorin në të cilit po zhvillonte kërkimet , mosmarrëveshje të cilët u dukën se u qetësuan me tërheqjen e anijes në muajin shtator.

Greqia dhe Turqia  edhe pse të dy  vende anëtarë të NATO-s, kanë  pasur një histori të gjatë mosmarrëveshjesh sa u përket kufijve detarë. 

Tensionet u rindezën në kohën kur Turqia vendosi anijen e kërkimit sizmik dhe anijet luftarake në ujërat e diskutueshme në 10 gusht. Oruç Reis, si dhe dy anije ndihmëse, u dërguan për të kërkuar depozita potencialisht të pasura të naftës dhe gazit në jug të ishullit grek të Kastellorizo.

Më herët, BE kërcënoi vendosjen e sanksioneve ndaj Turqisë nëse nuk tërhiqet nga fushatat kërkimore, sipas tyre të paligjshme në ujërat e pretenduara nga Qipro dhe Greqia. Kërcënim i cili është konsideruar si jokosntruktiv dhe nuk është marrë parasysh nga Turqia.

Rendit zhvillimet sipas orarit:
Ora 16:11
Greqia dhe Bashkimi Europian reagojnë kundër rinisjes së misionit të anijes turke 'Oruç Reis'

Njoftimi I Navtex Turkey për rinisjen e misionit anijes Turke Oruç Reis ka ngjallur reagime të shumta në Greqi dhe në Bashkimin Europian. Kryeministri grek, Kyriakos Mitsotakis pati sot një bisedë telefonike me Presidentin e Këshillit Evropian, Charles Michel. Mitsotakis i vuri në dukje Michel se ai do të paraqesë në takimin e Këshillit Evropian të 15-16 tetorit këtë veprim të ri të njëanshëm, i cili është një përshkallëzim serioz nga ana e Turqisë.

Veprimi i Turqisë ngjalli reagimin e BE, Përfaqësuesi i Lartë i BE për politikën e jashtme Joseph Borrel u shpreh se në ditët në vijim BE do të bëjë publik masat e reja që do të ndërmerren kundër Turqisë, pasi veprimet e saj të njëanshme cenojnë paqen dhe stabilitetin në zonë.

Tensionet mes Greqisë dhe Turqisë janë rritur sërish ditën e sotme. Turqia publikoi më herët një njoftim sipas të cilit anija e kërkimit “Oruç Reis” do të kryejë operacione në jug të ishullit Kastelorizo duke bërë që Greqia të japë alarmin.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06