OSBE: 2527 fëmijë në situatë rruge
Udhëzues për mbrojtjen e fëmijëve

Në Shqipëri sipas UNICEF dhe “Save the Children” janë rreth 2,527 fëmijë në situatë rruge. Raporti Vjetor i Ministrisë së Brendshme bën fjalë për 95 viktima të mundshme trafikimi në vitin 2013, nga të cilët 43 të mitur.
 
“punonjësit e zyrave sociale duhet të dalin nga zyrat dhe të punojnë me fëmijët dhe familjet aty ku janë, në rrugë në lagje në komunitete. Kampi veror është një formë se si fëmijët në vështirësi të largohen nga rruga”- tha Bardhylka Kospiri, zëvendësministrja e Mirëqenies Sociale dhe Rinisë.
 
OSBE, prezanton një projekt për parandalimin e trafikimit, me mbështetjen e qeverisë Italiane.
 
“ Ne jo vetëm që po ndihmojmë fëmijë të rimarrin pjesën më të mirë të jetës së tyre që është fëmijëria, por po ndihmojmë ata që të mos bien pre e trafikut ndërkombëtar. Kjo çështja ka rëndësi edhe për procesin integrimit të Shqipërisë në Bashkimin Evropian.”- tha ambasadori italian, Gaiani.
 
Zëvendësministrja e Brendshme, Elona Gjebrea rëndit mënyrën e denoncimit të rasteve të trafikimit nëpërmjet faqeve të internetit dhe numrit pa pagesë 116.
 
“Ministria e Punëve të Brendshme dhe ajo e Mirëqenies Sociale dhe Rinisë në bashkëpunim të ngushtë me OSBE-në po diskutojnë për përfshirjen e Inspektoratit të Punës mbi identifikimin e viktimave dhe viktimave të mundshme të trafikimit. Kjo në kuadër të hapave që po ndërmarrim për ndalimin e punës së detyruar dhe trafikimin e personave me qëllim shfrytëzimin për punë.”-tha Elona Gjebrea
 
Një rol të rëndësishëm në këtë projektet kanë edhe sipërmarrjet
 
“Ministria Zhvillimit Ekonomik, Tregtisë dhe Sipërmarrjes, është e gatshme dhe po bashkëpunon me të gjitha organizmat ato ndërkombëtare dhe të biznesit duke sensibilizuar nëpërmjet  aktiviteteve të ndryshme të përbashkëta.”- tha Brunilda Paskali, zëvendësministrja e Zhvillimit Ekonomik, Tregtisë dhe Sipërmarrjes.
 
Si pjesë e projektit, është hartuar “Udhëzuesi për mbrojtjen e fëmijëve në situatë rruge” për me identifikimin, referimin dhe menaxhimin e rasteve të fëmijëve.
 
Redaksia Online
(a.h/shqiptarja.com)

TAG:
• OSBE