POP 5

Lajmet më të lexuara të 5 minutave të fundit

Media

OSBE: Dekriminalizoni shpifjen,
të reformohet plotësisht RTSH

Përfaqësuesja e OSBE për lirinë e medias, Dunja Mijatoviç (në foto), i kërkoi dje qeverisë shqiptare që të nxisë reformimin e transmetuesit publik.
Gjatë një vizite dy ditore në Tiranë, përfaqësuesja e OSBE për lirinë e medias Dunja Mijatoviç, i kërkoi dje qeverisë shqiptare që të nxisë reformimin e transmetuesit publik, të dekriminalizojë shpifjen, dixhitalizimin e medias elktronike, si dhe të sigurojë akses në informacion.

“Shqipëria bëri një hap të rëndësishëm me heqjen e dënimit me burgim për shpifjen nga Kodi Penal. Unë ju nxis të bëni edhe hapin tjetër dhe ta dekriminalizoni plotësisht shpifjen”, tha Mijatoviç. Sipas saj e rëndësishme është që transmetuesi publik RTSH, duhet të reformohet plotësisht, t'u ofrojë qytetarëve lajme të balancuara, t’i zbavisë dhe edukojë ata. Gjatë një takimi me kryeministrin e vendit Edi Rama, përfaqësuesja e OSBE-së për lirinë e medias e vuri theksin tek dixhitalizimi i medias eletkronike, si një mundësi për pluralizëm më të madh në media. Ndër të tjera, ajo e nxiti qeverinë e re të vijojë reformimin e transmetuesit publik, të sigurojë aksesin në informacion dhe të bëjë përpara në dixhitalizimin e medias elektronike.

“Transmetuesi publik RTSH duhet të reformohet plotësisht që t’u ofrojë qytetarëve lajme dhe informacione të balancuara, si dhe t’i edukojë e t’i zbavitë,”, tha Mijatoviç, pas takimit me kryeministrin Edi Rama. Mijatoviç theksoi edhe nevojën për të siguruar pavarësinë e autoritetit të mediave audiovizive, AMA, nga ndikimet politike dhe për të siguruar financimin e nevojshëm të tij. Ndër çështje të tjera që u diskutuan ishin edhe dekriminalizimi i shpifjes dhe masat për të siguruar aksesin e publikut në informacionet zyrtare.

Shkrimi u publikua sot (19.09.2013) në gazetën Shqiptarja.com (print)

Redaksia Online
(a.ç/shqiptarja.com)
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40