POP 5

Lajmet më të lexuara të 5 minutave të fundit

Arkiva

OSBE e BE: Reformë të plotë
deri në pranverën e 2012

Kryetari i Prezencës së OSBE-së në Shqipëri, mirëpret vendimin zyrtar të Kuvendit për ngritjen e një komisioni të posaçëm për reformën zgjedhore dhe përgëzon të gjitha palët politike për angazhimin e tyre në dialogun e nevojshëm ndërpartiak për arritjen e këtij vendimi.
Menjëherë psa miratimit të Komisionit për reformën zgjedhore erdhën dhe mesazhet e përfaqësuesve ndërkombëtarë. Ambasadori i OSBE-së, Eguen Wollfarth duke mirëpritur ngritjen e këtij komisioni tha se “Shqipëria ka zgjedhur të ndërmarrë një rrugë konstruktive përpara". Duke i bëri apel partive të nisin sa më parë punën, nxit palët që të "prodhojë një reformë të plotë, dhe jetëgjatë deri në pranverën e vitit 2012, bazuar në një konsensus të gjerë". Edhe ambasadori i BE-së në Tiranë Ettore Sequi, i cili ishte i pranishëm në Kuvend për të ndjekur punimet e seancës përshëndeti konsensusin mes partive politike për ngritjen e komisionit parlamentar për reformën zgjedhore. Në një prononcim për mediat pas daljes nga Kuvendi, ambasadori Sequi theksoi "se sot ishte një ditë positive për Parlamentin shqiptar". Sipas tij procesi do të bëjë të mundur realizimin e reformave të rëndësishme të vendit.


DEKLARATA E OSBE-se WOLLFARTH
“Shqipëria ka zgjedhur të ndërmarrë një rrugë konstruktive përpara. E mirëpres vendimin zyrtar të Kuvendit për ngritjen e një komisioni të posaçëm për reformën zgjedhore dhe përgëzoj të gjitha palët politike për angazhimin e tyre në dialogun e nevojshëm ndërpartiak për arritjen e këtij vendimi. Ky është një fillim inkurajues. Tani është e rëndësishme që të gjitha palët politike të vazhdojnë të punojnë në partneritet të vërtetë për të shënuar një progres real dhe thelbësor në çuarjen përpara të reformës zgjedhore dhe axhendës më të gjerë të reformave. I nxis anëtarët e komisionit që të garantojnë që procesi i debateve dhe vendimmarrjes të jetë i hapur, gjithëpërfshirës, konstruktiv dhe transparent. Partitë politike tani duhet të mbështesin miratimin e ndryshimeve të nevojshme legjislative për të pasqyruar rekomandimet e bëra nga Zyra e OSBE-së për Institucione Demokratike dhe të Drejtat e Njeriut (OSBE/ODIHR), si dhe standarde të tjera ndërkombëtare përkatëse për zgjedhje demokratike. I nxis drejtuesit e partive kryesore politike të garantojnë që ky proces, tashmë në rrugë e sipër, të prodhojë një reformë të plotë dhe jetëgjatë deri në pranverën e vitit 2012, bazuar në një konsensus të gjerë. Prezenca e OSBE-së mbetet e gatshme të kontribuojë më tej në procesin e reformës zgjedhore dhe në pjesë të tjera të axhendës së reformave, në përputhje me mandatin e saj”.- thuhet ne deklaraten per shtyp te OSBE

/Shqiptarja.com
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14